រដ្ឋបាលខេត្តកោះកុង

ថ្ងៃសុក្រ ៩ កើត ខែមាឃ ឆ្នាំជូតទោស័ក ព.ស ២៥៦៤
ត្រូវនឹងថ្ងៃទី២២ ខែមករា ឆ្នាំ២០២១
«««»»»
លោក អ៊ូច ទូច ប្រធានមន្ទីរធម្មការ និងសាសនា បានចុះពិនិត្យសាលាពុទ្ធិកបឋមសិក្សាវត្តទេពនិមិត្ត ស្ថិតនៅវត្តទេពនិមិត្ត សង្កាត់ស្មាច់មានជ័យ ក្រុងខេមរភូមិន្ទ និងសួរសុខទុក្ខសមណសិស្ស សិស្ស ដែលកំពុងសិក្សា ដែលការសិក្សាត្រូវបានអនុញ្ញាតដោយក្រសួង បន្ទាប់ពីការផ្អាកមួយរយៈធំដោយការរំខានពីកូវីដ១៩។

ក្នុងឱកាសនោះផងដែរ លោកប្រធានបានទូលប្រគេនដល់សមណសិស្សត្រូវខិតខំសិក្សារៀនសូត្រដើម្បីត្រៀមប្រឡងនៅពេលខាងមុខនេះ។

ជាចុងក្រោយលោកប្រធានបានកោតសរសើរដល់ការយកចិត្តទុកដាក់របស់ព្រះល័ក្ខណ៍មុនី វង្ស ពិជ័យ ព្រះរាជាគណៈថ្នាក់កិត្តិយស ព្រះមេគណ នៃគណៈធម្មយុត្តិកនិកាយខេត្តកោះកុង និងព្រះនាយក ដែលព្រះអង្គយកចិត្តទុកដាក់លើវិស័យអប់រំ ដែលជាស្នូលក្នុងការបណ្តុះបណ្តាលធនធានព្រះសង្ឃ និងកោតសរសើរចំពោះការយកចិត្តទុកដាក់ការបង្រៀនរបស់គ្រូៗទាំងអស់។