ស្រុកកោះកុង៖ ឃុំត្រពាំងរូង នៅថ្ងៃសុក្រ ៩កើត ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២២ ខែមករា ឆ្នាំ ២០២១ រដ្ឋបាលឃុំត្រពាំងរូង ដឹកនាំដោយ លោកអន ផៃវង្ស ជំទប់ទី១ ឃុំ និងលោក លាង សាម៉ាត ជំទប់ទី២ ឃុំ បានចូលរួមបុណ្យសពរបស់លោក ប៊ួ ស៊ីណឹប ជាប្រជាពលរដ្ ឋរស់នៅភូមិកោះកុងក្នុង ឃុំត្រពាំងរូង ស្រុកកោះកុង ដែលបានទទួលមរណភាពកាលពីវេលាម៉ោង ៣៖៥០ នាទីយប់ ដោយសារជំងឺក្រពះមានសភាពធ្ងន់ធ្ងរ ។ ក្នុងការចូលរួមនោះដែរ លោកជំទប់ឃុំ បាននាំយកនូវថវិកា មួយចំនួន របស់លោក ទេព វិស្កុល ប្រធានក្រុមការងារថ្នាក់ខេត្ត ចុះជួយឃុំត្រពាំងរូង ចំនួន ១០០.០០០រៀល នឹងថវិកា ចូលរួមផ្សេងៗមួយចំនួនទៀតមានចំនួន ១៥០.០០០ រៀល សរុបរួមចំនួន ២៥០ ០០០ រៀលគត់ ជូនដល់គ្រួសារសព ។
ប្រភព៖ សន សេង
