រដ្ឋបាលខេត្តកោះកុង

លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ចើញជួបពិភាក្សាពីគម្រោងអភិវឌ្ឍន៍សហគមន៍ នៅកោះស្រឡៅ ឃុំកោះកាពិ ស្រុកកោះកុង

ក្នុងឱកាសនោះដែរ លោកជំទាវអភិបាលខេត្តសូមថ្លែងអំណរគុណ ចំពោះអង្គការ ស៊ីប៊ីអិន កម្ពុជា ដែលបានលើកយកគម្រោងអភិវឌ្ឍន៍សហគមន៍ នៅកោះស្រឡៅ ឃុំកោះកាពិ ស្រុកកោះកុង ក្នុងគោលបំណងលើកកម្ពស់ការអប់រំ សុខភាព អនាម័យ បរិស្ថាន និងជីវភាពរបស់ប្រជាជន ក្នុងសហគមន៍ ដោយអង្គការ ស៊ីប៊ីអិន កម្ពុជា តាមរយៈព្រះវិហារមហាចម្រូតកោះស្រឡៅ ជាមួយគ្នានេះផងដែរ ខ្ញុំសូមគាំទ្រគម្រោងរបស់អង្គការ តែសួមឲ្យធ្វើការពិភាក្សាពីអាជ្ញាធរមូលដ្ឋាន មន្ទីរ អង្គភាពដែលមានការពាក់ព័ន្ធ ក្នុងការអនុវត្តគម្រោងឲ្យបានទទួលជោគជ័យ និងសម្រេចតាមទស្សនៈវិស័យរបស់អង្គការផង និងបម្រើផលប្រយោជន៍របស់ប្រជាពលរដ្ឋ នៅក្នុងមូលដ្ឋានផងដែរ៕