រដ្ឋបាលខេត្តកោះកុង

លោក ទូ សាវុធ អភិបាលរង នៃគណ:អភិបាលខេត្តកោះកុង តំណាងលោកជំទាវអភិបាលខេត្តកោះកុង បានដឹកនាំកិច្ចប្រជុំជាមួយមន្ទីរ អង្គភាព រដ្ឋបាលក្រុង ស្រុក ភ្នាក់ងារម៉ៅការភាស៊ីចំណតរថយន្តឈ្នួលក្នុងខេត្ត និងអ្នកពាក់ព័ន្ធ លើគំនិតផ្តួចផ្តើម ស្តីពីការចងក្រងក្រុមគ្រួសារអ្នករត់ម៉ូតូឌុប ម៉ូតូកង់បី និងអ្នករត់ឡានឈ្នួល ក្នុងខេត្ត។

គោលបំណង នៃគំនិតផ្តួចផ្តើមនេះ រួមមាន:
១-បង្កើនប្រសិទ្ធភាពក្នុងគ្រប់គ្រងរដ្ឋបាលដល់មន្ទីរ អង្គភាព អាជ្ញាធរមូលដ្ឋាន និងអ្នកពាក់ព័ន្ធ
២-ជួយលើកកម្ពស់ជីវភាព និងសុខុមាលភាព ដល់ក្រុមអ្នកផ្តល់សេវា
៣-ចូលរួមផ្សព្វផ្សាយ និងទប់ស្កាត់ការរីករាលដាលនៃជំងឺកូវីដ-១៩

ជាលទ្ធផល កិច្ចប្រជុំបានឯកភាព មានបរិយាយដូចខាងក្រោម ÷
១/ធ្វើសម្រង់ស្ថិតិអ្នករត់ម៉ូតូឌុប អ្នករត់ម៉ូតូកង់បី និងអ្នករត់ឡានឈ្នួល(តាក់ស៊ី) ក្នុងមូលដ្ឋានក្រុងខេមរភូមិន្ទ និងស្រុកមណ្ឌលសីមា
២/រៀបចំការជ្រើសរើសមេក្រុម នៃក្រុមនីមួយៗ
៣/រៀបចំយន្តការក្រុមសម្រាប់ចែករំលែកព័ត៌មាន ចំណេះដឹង និងរបាយការណ៍ជាប្រចាំ៕