អនុសាខាកាកបាទក្រហមកម្ពុជា ស្រុកស្រែអំបិល នាំយកអំណោយឧបត្ថម្ភដល់ គ្រួសារលោក ងួន ង៉ែត ដែលផ្ទះរបស់គាត់ត្រូវបានអគ្គីភ័យឆាបឆេះខូចខាតទាំងស្រុង នៅឃុំដងពែង ស្រុកស្រែអំបិល ខេត្តកោះកុង
នៅថ្ងៃទី១០ ខែមករា ឆ្នាំ២០២១ អនុសាខាកាកបាទក្រហមកម្ពុជា ស្រុកស្រែអំបិល ដឹកនាំដោយ លោក ច័ន្ទកញ្ញា អភិបាលស្រុក និងជាប្រធានអនុសាខា បានដឹកនាំក្រុមការងារ និងមានការចូលរួមពីសាខាសមាគមសិស្សនិស្សិតបញ្ញវន្តក្មេងវត្តខេត្តកោះកុង ដឹកនាំដោយ ព្រះធម្មានុរក្ខ័បាល លី វិចិត្រ ព្រះរាជាគណៈថ្នាក់កិត្តិយសគណៈមហានិកាយនៃព្រះរាជាណាចក្រកម្ពុជា ជាព្រះទីបធម្មាភិបាល ព្រះបាឡាត់គណខេត្តកោះកុង ព្រះព្រហ្មកេស ហេង ប៊ុនសាម ព្រះសមុហ៍ធរអនុគណស្រុកស្រែអំបិល និងលោក គង់ សារ៉ាវុឌ្ឍ ប្រធានអនុសាខាប្រចាំស្រុកស្រែអំបិល បាននិមន្ត និងអញ្ជើញចុះសួរសុខទុក្ខ និងនាំយកអំណោយរបស់អនុសាខាកាកបាទក្រហមកម្ពុជាស្រុកស្រែអំបិល ឧបត្ថម្ភដល់ លោក ងួន ង៉ែត ភេទប្រុស អាយុ ៤១ ឆ្នាំ និងក្រុមគ្រួសារ ដែលផ្ទះរបស់គាត់ត្រូវបានអគ្គីភ័យឆាបឆេះខូចខាតទាំងស្រុង ស្ថិតនៅភូមិព្រះអង្គកែវ ឃុំដងពែង ស្រុកស្រែអំបិល ខេត្តកោះកុង។
