ព្រះធម្មានុរក្ខ័បាល លី វិចិត្រ ព្រះរាជាគណៈថ្នាក់កិត្តិយស និងជាប្រធានសាខាសមាគមសិស្ស និស្សិតបញ្ញវន្តក្មេងវត្ត ខេត្តកោះកុង និងព្រះព្រហ្មកេស ហេង ប៊ុនសាម ព្រះសមុហ៍ធរ អនុគណស្រុកស្រែអំបិល បាននាំយកនូវថវិកាមួយចំនួន និងគ្រឿងឧបភោគបរិភោគ ជូនដល់រដ្ឋបាលខេត្តកោះកុង
ព្រះធម្មានុរក្ខ័បាល លី វិចិត្រ ព្រះរាជាគណៈថ្នាក់កិត្តិយស និងជាប្រធានសាខាសមាគមសិស្ស និស្សិតបញ្ញវន្តក្មេងវត្ត ខេត្តកោះកុង និងព្រះព្រហ្មកេស ហេង ប៊ុនសាម ព្រះសមុហ៍ធរ អនុគណស្រុកស្រែអំបិល និមន្តជួបលោកជំទាវ មិថុនា ភូថង អភិបាល នៃគណៈអភិបាលខេត្តកោះកុង នាឱកាសឆ្នាំថ្មី ព្រមទាំងពាំនាំយកនូវថវិកាមួយចំនួន និងគ្រឿងឧបភោគបរិភោគ ជូនដល់រដ្ឋបាលខេត្តកោះកុង ដើម្បីគាំទ្រការការពារជំងឺកូវីដ-១៩។
លោកជំទាវអភិបាលខេត្ត សូមគោរពថ្លែងអំណរគុណយ៉ាងជ្រាលជ្រៅ ចំពោះទឹកព្រះទ័យ របស់ព្រះតេជគុណ និងសមាជិកទាំងអស់ ដែលបានចូលរួមចំណែក ជាមួយរដ្ឋបាលខេត្ត ក្នុងការចូលរួមទប់ស្កាត់ការរីករាលដាល នៃជំងឺកូវីដ-១៩ កន្លងមកសាខាសមាគមសិស្ស និស្សិតបញ្ញវន្តក្មេងវត្ត បានចូលរួមសកម្មភាពនានាជាច្រើន ជាមួយរដ្ឋបាលស្រុកស្រែអំបិល ដូចគ្នាពេលនេះបានចូលរួមជាមួយរដ្ឋបាលខេត្តទៀត ខ្ញុំព្រះករុណាខ្ញុំមានសង្ឃឹមថា វប្បធម៌ចែករំលែកនេះពិតជានៅតែបន្តមាននៅក្នុងព្រះទ័យព្រះតេជគុណ ទឹកចិត្តរបស់បងប្អូនទាំងអស់ ដើម្បីចូលរួមអភិវឌ្ឍន៍ភូមិ ឃុំ ស្រុក ក្រុងខេត្ត របស់យើង និងកាត់បន្ថយភាពក្រីក្រ ជាមួយរាជរដ្ឋាភិបាលកម្ពុជា៕
