លោក សុខ សុទ្ធី អភិបាលរងខេត្តកោះកុង អញ្ជើញដឹកនាំកិច្ចប្រជុំសម្របសម្រួលដោះស្រាយវិវាទដីធ្លី មានទីតាំងស្ថិតនៅភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង
លោក សុខ សុទ្ធី អភិបាលរង នៃគណៈអភិបាលខេត្តកោះកុង បានអញ្ចើញដឹកនាំកិច្ចប្រជុំសម្របសម្រួលដោះស្រាយវិវាទដីធ្លី មានទីតាំងស្ថិតនៅភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង។ វិវាទដីធ្លីនេះ កើតមានឡើងដោយសារតែឈ្មោះ នង ចិន្តា និងឈ្មោះ សុខ សោភ័ណ្ឌ មានទីតាំងដីជាន់គ្នា។
បន្ទាប់ពីមានការដឹកនាំសម្របសម្រួលដោះស្រាយពី លោក សុខ សុទ្ធី អភិបាលរងខេត្ត ក្នុងអង្គប្រជុំដោយមានការចូលរួមពីភាគីទាំងសងខាង រដ្ឋបាលក្រុងខេមរភូមិន្ទ និងរដ្ឋបាលសង្កាត់ស្ទឹងវែង ភាគីទំនាស់ទាំងពីររីករាយទទួលយកការសម្របសម្រួលដោះស្រាយបញ្ចប់វិវាទដោយសន្តិវិធី ដោយភាគី ឈ្មោះ សុខ សោភ័ណ្ឌ សុខចិត្តផ្តល់ប្រាក់ចំនួន ៣២០០$ (បីពាន់ពីររយដុល្លារអាមេរិក) ទៅភាគីឈ្មោះ នង ចិន្តា ហើយឈ្មោះ នង ចិន្តា ក៏យល់ព្រមទទួលយកសំណងនេះ៕
