រដ្ឋបាលខេត្តកោះកុង

លោក សុខ សុទ្ធី អភិបាលរងខេត្តកោះកុង ដោយមានការណែនាំដ៏ខ្ពង់ខ្ពស់របស់លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានដឹកនាំមន្ត្រីពាក់ព័ន្ធរួមមាន អភិបាលស្រុកស្រែអំបិល នាយកទីចាត់ការអន្តរវិស័យ នាយករដ្ឋបាលស្រុកស្រែអំបិល ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី តំណាងមន្ទីរបរិស្ថាន មន្ត្រីជំនាញភូមិបាលស្រុកស្រែអំបិល ចុះពិនិត្យទីតាំងដីមានទំនាស់រវាងប្រជាពលរដ្ឋ៨០គ្រួសារ ជាមួយឈ្មោះ ង៉ូវ ដូឃីន និងឈ្មោះ សេង យីង ដែលមានស្ថិតនៅភូមិនាពិសី ឃុំជីខក្រោម ស្រុកស្រែអំបិល ខេត្តកោះកុង។
ជាមួយគ្នានេះដែរ លោក សុខ សុទ្ធី បានធ្វើការណែនាំឱ្យ៖
១. លោកអភិបាលស្រុក អាជ្ញាធរមូលដ្ឋាន មន្ទីរបរិស្ថាន មន្ត្រីជំនាញពាក់ព័ន្ធរក្សាស្ថានភាពដើមនៃទីតាំងដី ដោយមិនឱ្យមានការកាប់ឆ្ការព្រៃឡើយ
២. រដ្ឋបាលស្រុកស្រែអំបិល ធ្វើការសិក្សា ស្រាវជ្រាវ និងដោះស្រាយ និងត្រូវប្រមូល និងបញ្ជូនឯកសារពាក់ព័ន្ធមករដ្ឋបាលខេត្ត៕