លោក ទូ សាវុធ អភិបាលរង នៃគណៈអភិបាលខេត្តកោះកុង និងជាប្រធានក្រុមការងារ ដើម្បីទទួលខុសត្រូវសម្របសម្រួល និងដឹកនាំការងារទទួលប្រជាពលរដ្ឋខ្មែរ ដែលវិលត្រលប់មកពីប្រទេសថៃ និងលោកវេជ្ជ.ទៅ ម៉ឹង ប្រធានមន្ទីរសុខាភិបាល បានដឹកនាំក្រុមការងារមណ្ឌលចត្តាឡីស័កកម្រិត២ សាលាខេត្តចាស់ រៀបចំបន្ទប់បន្ថែមសម្រាប់ទទួលពលករ និងបានណែនាំ៖ ១.អោយពលករទាំងអស់ត្រូវធ្វើចត្តាឡីស័ក ចំនួន ១៤ថ្ងៃជាចាំបាច់ ២.ក្រុមគ្រូពេទ្យត្រូវយកវត្ថុ សំណាករបស់ពលករទៅធ្វើតេស្តរកវីរុសកូវីដ-១៩ ៣.ត្រូវរៀបចំអោយពលករមានគម្លាត យ៉ាងតិចមួយម៉ែត្រកន្លះ និង ៤.ហាមដាច់ខាតមិនអោយពលករចេញពីខ្សែបន្ទាត់ហាមឃាត់ ។ សូមបញ្ជាក់ថាមានពលករ ចំនួន ៣០នាក់(ស្រី ០៧នាក់) កំពុងធ្វើចត្តាឡីស័កនៅមណ្ឌលកម្រឹត២ ក្នុងនោះនៅសាលាខេត្តចាស់ចំនួន២៧នាក់ និង សាលាបឋមសិក្សារុងផ្លាមកេសន (ឃុំត្រពាំងរូង) ចំនួន ០៣នាក់ និងគិតចាប់ពីថ្ងៃទី២ ខែមេសា ឆ្នាំ២០២០ ដល់បច្ចុប្បន្ន មានពលករ សរុប ចំនួន ៥៥៤នាក់ (ស្រី ១៩៥នាក់) បានមកពីប្រទេសនានា ចូលមកខេត្តកោះកុង៕
