លោក អ៊ូច ទូច ប្រធានមន្ទីរធម្មការនិងសាសនាខេត្តកោះកុង បានចូលរួមជាអធិបតីក្នុងកិច្ចប្រជុំពិភាក្សា ការរៀបចំបោះឆ្នោតជ្រេីសរេីសអាចារ្យ គណៈកម្មការតាមបណ្តាវត្តក្នុងស្រុកបូទុមសាគរ នៅសាលាអនុគណស្រុកបូទុមសាគរ ដែលមានការនិមន្តចូលរួមជាគណៈអធិបតីពីព្រះគ្រូ ខឹម ខុនព្រះអនុគណស្រុកបូទុមសាគរ និងមន្ត្រីការិយាល័យសង្គមកិច្ចនិងសុខុមាលភាពសង្គមនៃរដ្ឋបាលស្រុកបូទុមសាគរ ព្រមទាំងព្រះគ្រូចៅអធិការតាមបណ្តាវត្តក្នុងស្រុកបូទុមសាគរ។
ក្នុងកិច្ចប្រជុំនេះលោកប្រធានមន្ទីរបានស្នើសុំទៅដល់ព្រះគ្រូចៅអធិការគ្រប់វត្ត ត្រូវសហការជាមួយអជ្ញាធរ និងរដ្ឋបាលពាក់ព័ន្ធរៀបចំបោះឆ្នោតជ្រើសរើសអាចារ្យគណៈកម្មការវត្តអោយបានត្រឹមត្រូវតាមប្រកាសណែនាំរបស់ក្រសួងធម្មការ និងសាសនាដើម្បីឱ្យមានគណនេយ្យភាព និងសុក្រឹត្យភាពជៀសវាងការមែនអធិករនៅថ្ងៃក្រោយ។
