លោក សុខ សុទ្ធី អភិបាលរង នៃគណៈអភិបាលខេត្តកោះកុង បានអញ្ជើញដឹកនាំកិច្ចប្រជុំពាក់ព័ន្ធនឹងប្រជាពលរដ្ឋចូលទន្ទ្រានកាន់កាប់ដីរដ្ឋ ស្ថិតនៅឃុំជ្រោយប្រស់ ស្រុកកោះកុង ខេត្តកោះកុង។
លោក សុខ សុទ្ធី អភិបាលរងខេត្តកោះកុង ដោយមានការអនុញ្ញាតពីលោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានដឹកនាំកិច្ចប្រជុំពិភាក្សាករណីប្រជាពលរដ្ឋចូលទន្ទ្រានកាន់កាប់ដីរដ្ឋ មានទីតាំងស្ថិតនៅឃុំជ្រោយប្រស់ ស្រុកកោះកុង ខេត្តកោះកុង។ ការចូលទន្ទ្រានកាន់កាប់ដីរដ្ឋនេះ គឺមានប្រជាពលរដ្ឋប្រមាណ ១៩ គ្រួសារ ហើយក៏ត្រូវបានរដ្ឋបាលស្រុកកោះកុង បានអញ្ជើញប្រជាពលរដ្ឋទាំងនោះមកធ្វើការណែនាំ និងឱ្យរុះរើខ្ទម ផ្ទះ ចេញពីលើទីតាំងដីនោះដែរ ប៉ុន្តែមិនទទួលបានលទ្ធផល។ ពាក់ព័ន្ធនឹងករណីចូលទន្ទ្រានកាន់កាប់ដីរដ្ឋនេះ លោក សុខ សុទ្ធី បានណែនាំដល់រដ្ឋបាលស្រុកឱ្យ៖
-ផ្តល់ឯកសារពាក់ព័ន្ធនឹងករណីនេះ ជូនមកសាលាខេត្ត
-ធ្វើលិខិតជូនដំណឹងដល់ប្រជាពលរដ្ឋទាំងនោះឱយរុះរើផ្ទះ ខ្ទម ចេញពីទីតាំងដីនោះជាបន្ទាន់រដ្ឋបាល
-ស្រុកកោះកុង ត្រូវអញ្ជើញមេក្លោងនៅក្នុងករណីនេះ មកធ្វើការណែនាំ និងធ្វើកិច្ចសន្យា៕
