លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញជាអធិបតី ក្នុងពិធីសម្ពោធដាក់ឱ្យប្រើប្រាស់ផ្សារភូមិ៤ ស្ថិតនៅភូមិ៤ សង្កាត់ដងទង់ ក្រុងខេមរភូមិន្ទ ខេត្តកោះកុង។
លោកជំទាវអភិបាលខេត្ត សូមចូលរួមអបអរសាទរចំពោះបងប្អូន ដែលមានទីតាំងលក់ដូរថ្មី និងមិនមានបញ្ហាប្រឈមដូចដែលបងប្អូនលក់ដូរនៅតាមចិញ្ចើមថ្នល់នោះទេ ទន្ទឹមនេះខ្ញុំសង្ឃឹមថាបងប្អូនពិតជាជួយថែរក្សាអនាម័យ បរិស្ថាន ក្នុងផ្សារបានល្អប្រសើរបន្ថែមទៀត ពេលដែលមានអនាម័យល្អការលក់ដូររបស់បងប្អូនពិតជាទទួលបានការចាប់អារម្មណ៍ពីភ្ញៀវរបស់យើង ពេលបងប្អូនលក់ដូរបានច្រើន ពិតជាមានជីវភាពល្អប្រសើរបន្តទៀត ជាមួយនឹងការថែរក្សាអនាម័យ និងគោរពតាមគោលការណ៍ណែនរបស់រាជរដ្ឋាភិបាលភិបាល និងក្រសួងសុខាភិបាល យើងទាំងអស់គ្នាពិតជាជៀសផុតពីជំងឺកូវីដ-១៩៕
