វគ្គផ្សព្វផ្សាយ និងបណ្តុះបណ្តាលបច្ចេកទេស ស្តីពីការប្រើប្រាស់គេហទំព័រ សារអេឡិចត្រូនិក (អ៉ីម៉ែល) និងបណ្តាញសង្គមរបស់រដ្ឋបាលខេត្តកោះកុង ជូនអភិបាល នៃគណៈអភិបាលក្រុង និងអធិការដ្ឋាននគរបាលក្រុងខេមរភូមិន្ទ
លោក អ៊ុក សុតា នាយករងរដ្ឋបាលខេត្ត និងជាប្រធានក្រុមមន្ត្រីព័ត៌មានវិទ្យាខេត្ត និងលោក ឈេង សុវណ្ណដា អភិបាល នៃគណៈអភិបាលក្រុងខេមរភូមិន្ទ បានអញ្ជើញដឹកនាំសម្របសម្រួល វគ្គផ្សព្វផ្សាយ និងបណ្តុះបណ្តាលបច្ចេកទេស ស្តីពីការប្រើប្រាស់គេហទំព័រ សារអេឡិចត្រូនិក(អ៉ីម៉ែល) និងបណ្តាញសង្គមរបស់រដ្ឋបាលខេត្តកោះកុង ជូនអភិបាល នៃគណៈអភិបាលក្រុង និងអធិការដ្ឋាននគរបាលក្រុងខេមរភូមិន្ទ។
គោលបំណង នៃវគ្គផ្សព្វផ្សាយ និងបណ្តុះបណ្តាលបច្ចេកទេស ស្តីពីការប្រើប្រាស់គេហទំព័រ សារអេឡិចត្រូនិក(អ៉ីម៉ែល) និងបណ្តាញសង្គមរបស់រដ្ឋបាលខេត្តកោះកុង ជូនអភិបាល នៃគណៈអភិបាលក្រុង និងថ្នាក់ដឹកនាំ នៃអធិការដ្ឋាននគរបាលក្រុង និងបុស្តិ៍រដ្ឋបាលសង្កាត់ នៅមូលដ្ឋាន សំដៅធានាបង្កើតឱ្យបាននូវក្រុមការងារគ្រប់គ្រងប្រើប្រាស់ និងប្រមូលមតិ យោបល់ លើទំព័រហ្វេសបុក របស់អភិបាល នៃគណៈអភិបាលក្រុង អធិការនគរបាលក្រុង និងចងក្រងក្រុមការងារតេលេក្រាមសម្រាប់ បូកសរុបរបាយការណ៍ ដើម្បីរាយការណ៍ជូន ក្រសួងមហាផ្ទៃ ឱ្យបានទាន់ពេលវេលា។
ទន្ទឹមនេះផងដែរ រដ្ឋបាលក្រុង បានបង្ហាញវឌ្ឍនភាពការងារ បញ្ហាប្រឈម ដែលបានអនុវត្តនាពេលកន្លងមក និងផែនការសម្រាប់អនុវត្តបន្ត។
ក្រុមការងារ បានសម្របសម្រួល ក្នុងការកែសម្រួលគេហទំព័ររដ្ឋបាលក្រុង និងហ្វេសប៊ុក របស់លោកអភិបាលក្រុង ហ្វេសប៊ុករដ្ឋបាលក្រុង ព្រមទាំងហ្វេសប៊ុកអធិការដ្ឋាននគរបាលក្រុងខេមរភូមិន្ទ៕
