លោក សុខ សុទ្ធី អភិបាលរងខេត្តកោះកុង បានអញ្ជើញដឹកនាំកិច្ចប្រជុំពាក់ព័ន្ធនឹងករណីដីមានទំនាស់ទំហំ ១៥ហិកតា មានទីតាំងស្ថិតនៅភូមិអូរជ្រៅ ឃុំបឹងព្រាវ ស្រុកស្រែអំបិល ខេត្តកោះកុង
លោក សុខ សុទ្ធី អភិបាលរងខេត្តកោះកុង ដោយមានការអនុញ្ញាតពីលោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានដឹកនាំកិច្ចប្រជុំពិភាក្សាពាក់ព័ន្ធនឹងករណីដីមានទំនាស់ទំហំ ១៥ហិកតា មានទីតាំងស្ថិតនៅភូមិអូរជ្រៅ ឃុំបឹងព្រាវ ស្រុកស្រែអំបិល ខេត្តកោះកុង។ សមាសភាពចូលរួមក្នុងកិច្ចប្រជុំនេះរួមមាន នាយកទីចាត់ការអន្តរវិស័យសាលាខេត្តកោះកុង អភិបាលរងស្រុកស្រែអំបិល អនុប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ប្រធានការិយាល័យភូមិបាលស្រុកស្រែអំបិល មេឃុំបឹងព្រាវ ភាគីទាំងពីរ និងអ្នកពាក់ព័ន្ធ។
គោលបំណង នៃកិច្ចប្រជុំនេះ គឺដើម្បីបញ្ជាក់ឱ្យបានច្បាស់លាស់អំពីសាវតានៃការកាន់កាប់ទីតាំងដីដែលមានទំនាស់នេះ៕
