រដ្ឋបាលខេត្តកោះកុង

ថ្ងៃពុធ ៩រោច ខែមិគសិរ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៩ ខែធ្នូ ឆ្នាំ២០២០​

កញ្ញា ផាន់ សម្ផស្ស អនុប្រធានទទួលបន្ទុករួមការិយាល័យក្សេត្រសាស្រ្ត និងផលិតភាពកសិកម្ម និងលោកស្រី ធឹម ចន្ទ័រស្មី មន្រ្តីការិយាល័យផែនការ-គណនេយ្យ  រួមសហការជាមួយអង្គារសង្គ្រោះកុមារខេត្តកោះកុង នៃគម្រោងស្ទៀរ បានចុះតាមដាន លើកទឹកចិត្ត និងជំរុញកសិករអោយមានផែនការបន្តក្នុងផលិតកម្ម នៅភូមិជាំស្លា ឃុំជីផាត ស្រុកថ្មបាំង។ ក្នុងការចុះតាមដាននេះយើងធ្វើបានចំនួន ០៨គ្រួសារ ដែលបានអនុវត្តតាមការវគ្គបណ្តុះបណ្តាលបច្ចេកទេសស្វាយចន្ទីកន្លងមក។

ការចុះអង្កេត និងតាមដាននេះគឺដើម្បីជួយដល់ពួកគាត់គាំទ្របច្ចេកទេស ផ្តល់ប្រឹក្សាណែនាំការកសាងផែនការពង្រីក និងការពង្រឹងអាជីវកម្មកសិកម្មឲ្យមានវិសាលភាពកាន់តែធំ និងស្របទៅតាមទីផ្សារ។

ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង