កិច្ចប្រជុំត្រួតពិនិត្យ និងកែសម្រួលសេចក្តីព្រាងយុទ្ធសាស្ត្រ និងរបាយការណ៍ស្ថានភាពតំបន់ឆ្នេរខេត្តកោះកុង
ខេត្តកោះកុង៖ លោក អ៊ុក ភ័ក្ត្រា អភិបាលរងនៃគណៈអភិបាលខេត្តកោះកុង បានដឹកនាំកិច្ចប្រជុំត្រួតពិនិត្យ និងកែសម្រួលសេចក្តីព្រាងយុទ្ធសាស្ត្រ និងរបាយការណ៍ស្ថានភាពតំបន់ឆ្នេរខេត្តកោះកុង ដែលមានការចូលរួមពីរដ្ឋបាលក្រុង ស្រុក និងមន្ទីរ-អង្គភាពជំនាញពាក់ព័ន្ធ សរុបប្រមាណ ៣០ រូប។
លោក អ៊ុក ភ័ក្ត្រា បានសង្កត់ធ្ងន់ថាការរៀបចំយុទ្ធសាស្ត្រ ក៏ដូចជារបាយការណ៍តំបន់ឆ្នេរខេត្តកោះកុងនេះ មានសារសំខាន់ណាស់សម្រាប់បង្ហាញដល់អង្គការដៃគូ ដើម្បីស្វែងរកជំនួយទាំងបច្ចេកទេស និងហិរញ្ញវត្ថុ សំដៅដល់ការកាត់បន្ថយ និងការពារបរិស្ថាន និងតំបន់ឆ្នេរឱ្យកាន់តែប្រសើរឡើង៕
