លោកអភិបាលរងស្រុកមណ្ឌលសីមា ចុះដោះស្រាយទំនាស់ដីធ្លី របស់ឈ្មោះ លី ណុប និងឈ្មោះ ហួត ម៉េង ស្ថិតនៅភូមិចាំយាម ឃុំប៉ាក់ខ្លង
លោក ប៉ែន ប៊ុនឈួយ អភិបាលរង នៃគណៈអភិបាលស្រុកមណ្ឌលសីមា និងលោក ម៉ែន ចាន់ដារ៉ា នាយករងរដ្ឋបាលស្រុក បានដឹកនាំក្រុមការងាររួមមាន ការិយាល័យរៀបចំដែនដីនគរូបនីយកម្ម សំណង និងភូមិបាល អាជ្ញាធរឃុំប៉ាក់ខ្លង ភូមិចាំយាម បានចុះដោះស្រាយទំនាស់ដីធ្លី របស់ឈ្មោះ លី ណុប និងឈ្មោះ ហួត ម៉េង ស្ថិតនៅភូមិចាំយាម ឃុំប៉ាក់ខ្លង ស្រុកមណ្ឌលសីមា ខេត្តកោះកុង ហើយទំនាស់ដីធ្លីខាងលើនេះ ត្រូវបានបញ្ចាប់ជាស្ថាពរ ដោយភាគីទាំងពីរយល់ព្រមទទួលតាមការសម្របសម្រួលរបស់អាជ្ញាធរស្រុក
