លោក ប្រាក់ វិចិត្រ អភិបាលស្រុក និងជាប្រធានគណៈកម្មាធិការលទ្ធកម្មស្រុក បានចុះពិនិត្យ និងប្រគល់ទទួល ការងារសាងសង់ផ្លូវបេតុងអាមេ ចំនួន២ខ្សែ ដែលជាគម្រោងមូលនិធិអភិវឌ្ឍន៍ស្រុកមណ្ឌលសីមា សម្រាប់ឆ្នាំ២០២០ ។
ថ្ងៃចន្ទ ១កើត ខែមិគសិរ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៦ ខែវិច្ឆិកា ឆ្នាំ២០២០លោក ប្រាក់ វិចិត្រ អភិបាលស្រុក និងជាប្រធានគណៈកម្មាធិការលទ្ធកម្មស្រុក ព្រមទាំងសមាជិកគណៈកម្មាធិការលទ្ធកម្ម តំណាងមន្ទីរសេដ្ឋកិច្ច និងហិរញ្ញវត្ថុខេត្ត ក្រុមប្រឹក្សាឃុំ មេភូមិ និងប្រជាពលរដ្ឋ បានចុះពិនិត្យ និងប្រគល់ទទួល ការងារសាងសង់ផ្លូវបេតុងអាមេ ចំនួន២ខ្សែ ៖
-ខ្សែទី១ ប្រវែង ១១០ម៉ែត្រ ទទឹង ៥ម៉ែត្រ និងកម្រាស់ ០,១៥ម៉ែត្រ ស្ថិតនៅភូមិនាងកុក ឃុំប៉ាក់ខ្លង
-ខ្សែទី២ ប្រវែង ៤២៨ម៉ែត្រ ទទឹង ៤ម៉ែត្រ និងកម្រាស់ ០,១៥ម៉ែត្រ ស្ថិតនៅភូមិនាងកុក ឃុំប៉ាក់ខ្លង
ដែលជាគម្រោងមូលនិធិអភិវឌ្ឍន៍ស្រុកមណ្ឌលសីមា សម្រាប់ឆ្នាំ២០២០ ។
