រដ្ឋបាលខេត្តកោះកុង

លោក ឈេង សុវណ្ណដា អភិបាលរង នៃគណៈអភិបាលខេត្ត តំណាងដ៏ខ្ពង់ខ្ពស់លោកជំទាវអភិបាល នៃគណៈអភិបាលខេត្ត កោះកុង បានដឹកនាំកិច្ចប្រជុំពិភាក្សាលើការងារចាំបាច់មួយចំនួន ពាក់ព័ន្ធនិងងវិស័យរ៉ែ និងថាមពល ដែលប្រតិភូកម្មមករដ្ឋបាលថ្នាក់ក្រោមជាតិ តាមរយៈអង្គភាពច្រកចេញចូលតែមួយនៃរដ្ឋបាលខេត្ត។
គោលបំណង នៃកិច្ចប្រជុំគឺ ដើម្បីដោះស្រាយលើការស្នើសុំរបស់អាជីវករបិទបណ្តោះអាសន្ន នូវអាជីវកម្មបូមខ្សាច់ ចំនួន ២ទីតាំង របស់ឈ្មោះ ជ្រោយ តិចហាក់ ដែលមានទីតាំងស្ថិតនៅឃុំឬស្សីជ្រុំ ស្រុកថ្មបាំង និងឈ្មោះ ចេង អៀងហេង ដែលមានទីតាំងស្ថិតនៅឃុំប៉ាក់ខ្លង ស្រុកមណ្ឌលសីមា ខេត្តកោះកុង។
ថ្ងៃអង្គារ ២រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២ ខែមិថុនា ឆ្នាំ២០២៦