រដ្ឋបាលឃុំកោះស្ដេច

នៅថ្ងៃទី២៧​ ខែមីនា ឆ្នាំ២០២៦ លោក​ ស៊ន​ ស្រិញ​ មេឃុំស្ដីទី​ បានអញ្ជើញចូលរួមកិច្ចប្រជុំពិគ្រោះ​យោបល់អំពី «ការរៀបចំផែនការសកម្មភាពការពារប្រភេទធន​ធាន​ជលផលសមុទ្រកំពុងរងគ្រោះ» ក្រោមអធិបតីលោកជំទាវ អុឹម រចនា អនុរដ្ឋលេខា​ធិការក្រសួងកសិកម្ម រុក្ខាប្រមាញ់ និងនេសាទ ដែលកម្មវិធីប្រព្រឹត្តទៅនៅ​សាលប្រជុំសហគមន៍នេសាទព្រែកត្នោត ក្នុងខេត្តកំពត។

កិច្ចប្រជុំពិគ្រោះយោបល់នេះ រៀបចំដោយនាយកដ្ឋានអភិរក្សជលផល នៃអគ្គនាយកដ្ឋានជលផល សហការជាមួយអង្គការ WEA, ActionAid និង NGO Forum និងមានការចូលរួមពីលោកបណ្ឌិត អ៊ុក វិបុល ប្រធាននាយកដ្ឋានអភិរក្សជលផល និងមន្រ្តីជំនាញនៃអគ្គ​នាយកដ្ឋានជលផល ខណ្ឌរដ្ឋបាលជលផលតំបន់ឆ្នេរ លោក ទុយ សេរីវឌ្ឍនា នាយកកម្មវិធីអង្គការសម្ព័ន្ធភាពសត្វព្រៃ និងដៃគូ​ពាក់ព័ន្ធជាច្រើនទៀត ព្រមទាំងតំណាងសហគមន៍មូលដ្ឋាន សរុបអ្នកចូល​រួម​ប្រមាណជាង៦០នាក់។

ថ្ងៃចន្ទ ១២កេីត ខែចេត្រ​ ឆ្នាំម្សាញ់
សប្តស័ក ពុទ្ធសករាជ ២៥៦៩
ត្រូវនឹងថ្ងៃទី៣០ ខែមីនា​ ឆ្នាំ២០២៦
March, 30th 2026