រដ្ឋបាលខេត្តកោះកុង

លោកឧត្តមសេនីយ៍ត្រី ជួន សុភ័ក្រ មេបញ្ជាការតំបន់ប្រតិបត្តិការសឹករងកោះកុង ជាអនុប្រធានគណៈកម្មាធិការ អ.ន.ក.ខេត្ត តំណាងលោកជំទាវ ឈី វ៉ា អភិបាល នៃគណៈអភិបាលខេត្ត ជាប្រធានគណៈកម្មាធិការ អ.ន.ក.ខេត្តកោះកុង បានដឹកនាំក្រុមលេខាធិការដ្ឋាន អ.ន.ក.ខេត្ត  ប្រធាន អនុប្រធានគណកម្មាធិការ អ.ន.ក.ស្រុកស្រែអំបិល ប្រធាន អនុប្រធានសាខា អ.ន.ក.ឃុំបឹងព្រាវ បានពាំនាំអនុសាសន៍ ដ៍ខ្ពង់ខ្ពស់របស់សម្តេចអគ្គមហាសេនាធិបតីតេជោ ហ៊ុន សែន ប្រធានព្រឹទ្ធសភា នៃព្រះជាណាចក្រកម្ពុជា ជាប្រធានសមាគមអតីតយុទ្ធជន និងនិវត្តជនកម្ពុជា ចុះសួរសុខទុក្ខ ដល់គ្រួសារនៃសពជាសមាជិក អ.ន.ក.ដែលបានទទួលមរណភាព នៅស្រុកស្រែអំបិល កាលពីថ្ងៃទី១៦ ខែមីនា ឆ្នាំ២០២៦ វេលាម៉ោង១៦ និង៤០នាទីរសៀល ដោយរោគគាពាធ ឱ្យចូលរួមគាំទ្រ រាជរដ្ឋាភិបាលកម្ពុជា និងថែរក្សាសន្តិភាព ជូនជាតិមាតុភូមិ ហេីយក៏បាននាំយកថវិកាបេឡាមរណសង្គ្រោះ ចំនួន ៤លានរៀល និងអំណោយមនុស្សធម៌ដ៍ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជអាណាចក្រ កម្ពុជា ជាអនុប្រធានទី១ នៃសមាគមអតីតយុទ្ធជន និងនិវត្តជនកម្ពុជា និងលោកជំទាវបណ្ឌិត ពេជ ចន្ទមុន្នី រួមមានដូចខាងក្រោម : ១/អង្ករចំនួន២បាវតូច ស្មើចំនួន៥០គីឡូក្រាម មីចំនួន១កេសតូច ទឹកត្រីចំនួន១កេស និងទឹកសុីអុីវចំនួន១កេស។
២/លោកជំទាវ ឈី វ៉ា អភិបាល នៃគណៈអភិបាលខេត្ត ជាប្រធានគណៈកម្មាធិការ អ.ន.ខេត្តឧបត្ថម្ភថវិកាចំនួន៥០មុឺនរៀល។
៣/លោក ជា ច័ន្ធកញ្ញា អភិបាល នៃគណៈអភិបាលស្រុក ជាប្រធានគណៈកម្មាធិការ អ.ន.ក.ស្រុកស្រែអំបិលឧបត្ថម្ភថវិកា១០មុឺនរៀល ទឹកសុទ្ធចំនួន២កេស មីចំនួន១កេសអង្ករចំនួន១បាវធំស្មេី៥០គីឡូក្រាម។ ប្រគល់ជូនដល់គ្រួសារនៃសពលោក លី គុណ (និវត្តជន) ជាសមាជិក អ.ន.ក.មានទីលំនៅភូមិបឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ
ខេត្តកោះកុង។
ថ្ងៃព្រហស្បតិ៍ ៨កើត ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៦ ខែមីនា ឆ្នាំ២០២៦