ប្រធានមន្ទីរធម្មការ និងសាសនាខេត្តកោះកុង បានដឹកនាំកិច្ចប្រជុំពិភាក្សាការងារ ដើម្បីត្រៀមរៀបចំចាត់តាំងកម្មវិធី”ទិវាសន្តិភាពអន្តរជាតិលើកទី ១៧”
ដោយអនុវត្តតាមសេចក្តីណែនាំរបស់លោកជំទាវអភិបាលខេត្តកោះកុង លោក អ៊ូច ទូច ប្រធានមន្ទីរធម្មការ និងសាសនាខេត្តកោះកុង បានដឹកនាំប្រជុំពិភាក្សាការងារ ជាមួយលោកអនុប្រធានមន្ទីរ និងមន្ត្រីនៃមន្ទីរធម្មការ និងសាសនាខេត្ត ដើម្បីត្រៀមរៀបចំចាត់តាំងកម្មវិធី”ទិវាសន្តិភាពអន្តរជាតិលើកទី ១៧ ថ្ងៃទី ២១ ខែកញ្ញា ឆ្នាំ២០១៩។ មន្ទីរធម្មការ និងសាសនា គ្រោងនឹងប្រាព្ធពិធីនេះ ដោយនិមន្តព្រះមន្ត្រីសង្ឃ អញ្ជើញថ្នាក់ដឹកនាំឥស្លាមសាសនា គ្រឹស្ទសាសនា ពុទ្ធសាសនិកជន និងសាសនិកនានា ព្រមទាំងយុវជន ចូលរួមចំនួនជាង ២០០ អង្គ-នាក់។ ការរៀបចំទិវានេះ ក្នុងន័យបញ្ជ្រាបការយល់ដឹង អោយកាន់តែច្បាស់ដល់សាធារណ:ជនទូទៅ ជាពិសេសស្រទាប់យុវជន អំពី “តម្លៃដ៏ធំធេងនៃសន្តិភាព”
