រដ្ឋបាលខេត្តកោះកុង

លោក ស្រេង ហុង អភិបាលរង នៃគណៈអភិបាលខេត្តកោះកុង អមដំណើរដោយ លោក អន សុធារិទ្ធ អភិបាលស្រុកថ្មបាំង បានអញ្ជើញចុះចែកម៉ាស់ ដល់សិស្សានុសិស្ស នៅអនុវិទ្យាល័យឬស្សីជ្រុំ និងវិទ្យាល័យឬស្សីជ្រុំ ក្នុងឃុំឬស្សីជ្រុំ ស្រុកថ្មបាំង ខេត្តកោះកុង នាព្រឹកថ្ងៃទី៩ ខែកញ្ញា ឆ្នាំ២០២០ ។

លោកអភិបាលរងខេត្ត បានពាំនាំនូវសេចក្តីនឹករលឹក និងសួរសុខទុក្ខដល់លោក គ្រូ អ្នកគ្រូ និងប្អូន ក្មួយៗសិស្សានុសិស្សរបស់លោក ជំទាវ មិថុនា ភូថង អភិបាលខេត្តកោះកុង និងសូមអោយលោកគ្រូ អ្នកគ្រូ និងសិស្សានុសិស្សទាំងអស់អនុវត្តឱ្យបាខ្ជាប់ខ្ជួន តាមការណែនាំរបស់ក្រសួងសុខាភិបាល ដើម្បីចូលរួមទប់ស្កាត់ការរីករាលដាលជំងឺកូវីដ-១៩។ ទន្ទឹមនេះសូមមាតា បិតា និងអាណាព្យាបាលសិស្សទាំងអស់ រៀបចំអាហារ និងម៉ាស់ អាកុល សម្រាប់កូនៗមុនមកសាលារៀន និងបន្តការពារទាំងអស់គ្នាកុំឱ្យជំងឺនេះ រីករាលដាល ទៅក្នុងសហគមន៍៕

ប្រភព៖រដ្ឋបាលស្រុកថ្មបាំង