លោកស្រី អ៉ិន សុភី អភិបាលស្តីទី និងជាអនុប្រធានគណៈកម្មាធិការលទ្ធកម្មស្រុក បានដឹកនាំកិច្ចប្រជុំបើកសំណើដេញថ្លៃការងារជួសជុលផ្លូវបេតុងអាមេចំនួន ១ខ្សែ បណ្តោយប្រវែង ៩៩៧ម៉ែត្រ មាន២កំណាត់, កំណាត់ទី១ បណ្តោយប្រវែង៦១៧ម៉ែត្រ ទទឹង៥ម៉ែត្រ កម្រាស់ ០.១៥ម៉ែត្រ ស្ថិតនៅភូមិព្រលាន និងកំណាត់ទី២ បណ្តោយប្រវែង ៣៨០ម៉ែត្រ ទទឹង ៥ម៉ែត្រ កម្រាស់ ០.១៥ម៉ែត្រ និងដាក់ស្លាកសញ្ញាគម្រោង ១កន្លែង ស្ថិតនៅភូមិសុវណ្ណាបៃតង ឃុំកណ្តោល ស្រុកបូទុមសាគរ ខេត្តកោះកុង ដោយមានការអញ្ជើញចូលរួមពី លោក ជុំ សំអុល អនុប្រធានមន្ទីរសេដ្ឋកិច្ច និងហិរញ្ញវត្ថុខេត្ត លោក​ លោកស្រីដែលជាសមាជិកគណៈកម្មាធិការលទ្ធកម្មស្រុក ក្រុមហ៊ុនទាំង៣ ដោយកិច្ចប្រជុំនេះស្ថិតនៅសាលប្រជុំសាលាស្រុកបូទុមសាគរ។
ដោយក្នុងនោះមានក្រុមហ៊ុន សហគ្រាសចំនួន ៣ មកដាក់ពាក្យប្រកួងប្រជែងដេញថ្លៃ រួមមាន:
១. សហគ្រាស តា តា កោះកុង
២. សហគ្រាសសម្បត្តិ ស្រីលីន ខន ស្រ្កាក់សិន ឯ.ក
៣. សហគ្រាស ពៅ ផល្លា ខនស្រ្កាក់សិន ឯ.ក

ជាលទ្ធផល សហគ្រាស សម្បត្តិ ស្រីលីន ខនស្រ្កាក់សិន ឯ.ក បានដាក់តម្លៃទាបជាងគេ។

ថ្ងៃសុក្រ ៩រោច ខែកត្តិក ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៤ ខែវិច្ឆិកា ឆ្នាំ២០២៥