លោក ជា សូវី អភិបាលនៃគណៈអភិបាលស្រុកកោះកុង ដឹកនាំកិច្ចប្រជុំពិភាក្សា ស្តីពី ការដោះស្រាយផលប៉ះពាល់បរិស្ថាន ផលដំណាំរបស់បងប្អូនប្រជាពលរដ្ឋនៅភូមិដីទំនាប
ស្រុកកោះកុង ៖ នៅរសៀលថ្ងៃព្រហស្បតិ៍ ៩កើត ខែភទ្របទ ឆ្នាំជូតទោស័ក ព.ស២៥៦៤ ត្រូវនឹងថ្ងៃទី២៧ ខែសីហា ឆ្នាំ២០២០ លោក ជា សូវី អភិបាលនៃគណៈអភិបាលស្រុកកោះកុង ដឹកនាំកិច្ចប្រជុំពិភាក្សា ស្តីពី ការដោះស្រាយផលប៉ះពាល់បរិស្ថាន ផលដំណាំរបស់បងប្អូនប្រជាពលរដ្ឋនៅភូមិដីទំនាប ដែលមានដីជាប់ចំណីព្រែក លើគម្រោងអភិវឌ្ឍន៍ផ្លូវបេតុងតាមបណ្តោយមាត់ព្រែក របស់រដ្ឋបាលស្រុកកោះកុង និងមានការចូលរួមពីលោកស្រី អ៊ិន សុភី អភិបាលរងស្រុក លោកនាយករដ្ឋបាលសាលស្រុក ប្រធានការិយាល័យរដ្ឋបាល និងហិរញ្ញវត្ថុ អនុប្រធានការិយាល័យផែនការគាំទ្រឃុំ-សង្កាត់ អនុប្រធានអង្គភាពលទ្ធកម្មសាលាស្រុក លោកស្រីមេឃុំត្រពាំងរូង និងប្រជាពលរដ្ឋសរុបចំនួន ១៤នាក់ ស្រី ០៥នាក់ នៅសាលប្រជុំសាលាស្រុកកោះកុង។
ប្រភព : អ៊ឹង បឺត
