រដ្ឋបាលខេត្តកោះកុង

លោក សុខ សុទ្ធី អភិបាលរង នៃគណៈអភិបាលខេត្តកោះកុង បានដឹកនាំកិច្ចប្រជុំពីករណីទំនាស់ដីធ្លី រវាងប្រជាពលរដ្ឋ៨០គ្រួសារ ស្ថិតនៅភូមិនាពិសី ឃុំជីខក្រោម ស្រុកស្រែអំបិល ខេត្តកោះកុង។
បន្ទាប់ពីបានស្តាប់ការបង្ហាញរបស់តំណាងប្រជាពលរដ្ឋរួចមក លោក សុខ សុទ្ធី អភិបាលរងខេត្ត និងជាប្រធានអង្គប្រជុំ បានណែនាំ និងពន្យល់ប្រាប់ជូនតំណាងប្រជាពលរដ្ឋថា៖
១-ទីតាំងដី​ដែល​បងប្អូនប្រជាពលរដ្ឋ​អះអាងថាមានទំនាស់នោះ គឺ​ជាដី​មិនមាន​បណ្ណកម្មសិទ្ធិ​ទាំងអស់ ហើយ​បច្ចុប្បន្ននេះជាដីរបស់រដ្ឋ។
២-កិច្ចប្រជុំថ្ងៃនេះ គឺមិនមែនជាការប្រជុំដោះស្រាយទេ គ្រាន់តែជាកិច្ចប្រជុំប្រមូលព័ត៌មានប៉ុណ្ណោះ ហេតុនេះ សូមបងប្អូន​ប្រជាពលរដ្ឋទាំងអស់រង់ចាំឱ្យរដ្ឋបាលខេត្តរៀបចំយន្តការដោះស្រាយសិន៕