លោក ចាន់ វ៉ុន ប្រធានការិយាល័យវិស្វកម្មកសិកម្ម និងលោក ម៉ៅ ធីតា អនុប្រធានការិយាល័យក្សេត្រសាស្រ្ត និងផលិតភាពកសិកម្ម រួមសហការជាមួយអង្គារសង្គ្រោះកុមារខេត្តកោះកុង និងអង្គការ IDE នៃគម្រោងស្ទៀរ និងមន្ត្រីការិយាល័យកសិកម្ម ធនធានធម្មជាតិ និងបរិស្ថានស្រុកស្រែអំបិល បានបើកវគ្គបណ្ដុះបណ្ដាលស្តីពីបច្ចេកទេសមុនពេល និងក្រោយពេលប្រមូលផលត្រសក់និងបន្លែ ០២វគ្គ : ពេលព្រឹក បើកវគ្គបណ្តុះបណ្តាលនៅភូមិជីខ ឃុំជីខលើ ដែលមានអ្នកចូលរួមចំនួន ១៩ នាក់ ស្រី ០៨ នាក់ ក្នុងនោះកសិករចូលរួមចំនួន ១៣ នាក់ ស្រី ០៦ នាក់។ ជាលទ្ធផលប្រជាកសិករដែលបានចូលរួមវគ្គបណ្តុះបណ្តាលនេះយល់បាន ៧៥% ពីបច្ចេកទេសនៃការប្រមូលផលត្រសក់និងបន្លែ ហើយពួកគាត់ចង់ដាំ ៦០%។ ពេលល្ងាចបើកវគ្គបណ្តុះបណ្តាលនៅភូមិតានី ឃុំជីខលើ ដែលមានអ្នកចូលរួមសរុបចំនួន ៥៤ នាក់ ស្រី ៤៥ នាក់ ក្នុងនោះកសិករចូលរួមចំនួន ៤៩ នាក់ ស្រី ៤៣ នាក់ ជាលទ្ធផលប្រជាកសិករដែលបានចូលរួមវគ្គបណ្ដុះបណ្ដាលយល់បាន ៦0 % ហើយពួកគាត់ចង់ដាំ ៧០%។