លោក ស្រេង ហុង អភិបាលរង នៃគណៈអភិបាលខេត្តកោះកុង បានអញ្ជើញចូលរួមជាគណៈអធិបតី ក្នុងសន្និសីទមេដឹកនាំប្រចាំខេត្តកោះកុង។
នៅសាលប្រជុំ (ខ) សាលាខេត្តកោះកុង លោក ស្រេង ហុង អភិបាលរង នៃគណៈអភិបាលខេត្តកោះកុង តំណាងឱ្យលោកជំទាវអភិបាល នៃគណៈអភិបាលខេត្ត បានអញ្ជើញចូលរួមជាគណៈអធិបតីក្នុងសន្និសីទមេដឹកនាំប្រចាំខេត្តកោះកុង ដែលសហការរៀបចំដោយរដ្ឋបាលខេត្តកោះកុង និងអង្គការសម្ព័ន្ធសន្តិភាពសកល-កម្ពុជា ប្រចាំនៅកម្ពុជា។ កម្មវិធីសន្និសីទនេះ មានការអញ្ជើញចូលរួមពីថ្នាក់ដឹកនាំក្រុង ស្រុក និងថ្នាក់ដឹកនាំសហភាពសហព័ន្ធយុវជនកម្ពុជាក្រុង ស្រុក ប្រមាណជា ៣០នាក់។
ថ្លែងក្នុងវិធីនេះ លោក ស្រេង ហុង អភិបាលរង នៃគណៈអភិបាលខេត្តកោះកុង បានមានប្រសាសន៍ថ្លែងអំណរគុណចំពោះ អង្គការសម្ព័ន្ធសន្តិភាពសកល-កម្ពុជា ប្រចាំនៅកម្ពុជា ដែលបានសហការ ជាមួយរដ្ឋបាលខេត្តកោះកុង ក្នុងការរៀបចំសន្និសីទមេដឹកនាំប្រចាំខេត្តកោះកុង ដ៏មានសារសំខាន់នេះ។ លោក បានស្នើសុំឱ្យមានការរៀបចំកម្មវិធីនេះ ម្តងទៀតនៅពេលដែលស្ថានភាពជំងឺកូវីដ-១៩ មានភាពធូរស្បើយ ដោយការរៀបចំមានទំហំធំជាងនេះ និងមានមន្ត្រីរាជការ និងយុវជនមកពីថ្នាក់មូលដ្ឋានបានចូលរួមផងដែរ។
