លោកស្រី អ៉ិន សុភី អភិបាលរងស្រុក និងជាអនុប្រធានគណៈកម្មាធិការអនុសាខាកាកបាទក្រហមកម្ពុជាស្រុកកោះកុង តំណាងលោក ជា សូវី ប្រធានគណៈកម្មាធិការអនុសាខាកាកបាទក្រហមកម្ពុជាស្រុកកោះកុង បានដឹកនាំសហការី គណៈកិត្តិយសអនុសាខាកាកបាទក្រហមកម្ពុជាស្រុកកោះកុង និងយុវជនកាកបាទក្រហម ចុះជួបសំណេះសំណាល សួរសុខទុក្ខ និងនាំយកអំណោយមនុស្សធម៌អនុសាខាកាកបាទក្រហមកម្ពុជាស្រុកកោះកុង ប្រគល់ជូនប្រជាពលរដ្ឋងាយរងគ្រោះ និងចាស់ជរាចំនួន ០៣គ្រួសារ នៅចំណុចអូតាព្រំ និងអូរអណ្តាត ក្នុងភូមិត្រពាំងរូង ឃុំត្រពាំងរូង ស្រុកកោះកុង ខេត្តកោះកុង។
ក្នុងមួយគ្រួសារទទួលបាន ៖ អង្ករចំនួន ២៥គីឡូក្រាម មីម៉ាម៉ា ១កេះ ត្រីខកំប៉ុង ១ឡូ ទឹកត្រី ២ដប ទឹកស៉ីអ៉ីវ ២ដប ប្រេងឆា ១ដប ស្ករស ១គីឡូក្រាម ប៊ីចេង ១កញ្ចប់ និងថវិកាចំនួន ១០ម៉ឺនរៀល
-បញ្ជីរាយនាមចាស់ជរា
១.អ្នកមីង ថៃ សុផៃ អាយុ ៦៧ឆ្នាំ
២.លោកពូ ព្រឹក ព្រៀហៀ (ហៅតាតៅ) អាយុ ៦២ឆ្នាំ
៣.លោកយាយ នួន អឹម អាយុ ៩៥ឆ្នាំ
