លោក សយ សុផល នាយរងរដ្ឋបាលស្រុកបូទុមសាគរ និង លោក អិក កួន មេឃុំថ្មស បានអញ្ជើញជាអធិបតីភាព ក្នុងកិច្ចប្រជុំផ្សព្វផ្សាយស្តីពីការកំណត់កម្រៃសេវា និងការគ្រប់គ្រងសំរាម សំណល់រឹងទីប្រជុំជន
ដោយមានការចាត់តាំងពីរដ្ឋបាលស្រុកបូទុមសាគរ លោក សយ សុផល នាយរងរដ្ឋបាលស្រុកបូទុមសាគរ និង លោក អិក កួន មេឃុំថ្មស បានអញ្ជើញជាអធិបតីភាព ក្នុងកិច្ចប្រជុំផ្សព្វផ្សាយ ស្តីពីការកំណត់កម្រៃសេវា និងការគ្រប់គ្រងសំរាម សំណល់រឹងទីប្រជុំជន របស់រដ្ឋបាលឃុំថ្មស ដោយមានការអញ្ជើញចូលរួមពីប៉ុស្តិ៍រដ្ឋបាលឃុំ តំណាងការិយាល័យ កសិកម្មធនធានធម្មជាតិ និងបរិស្ថាន មេភូមិ អនុ
សមាជិកគ្រប់ភូមិ តំណាងអ្នកម៉ៅការសំរាម បងប្អូនប្រជាពលរដ្ឋព្រមទាំងអាជីវករក្នុងផ្សារថ្មស។
+ដីកានេះមានគោលដៅដូចតទៅ៖
– កំណត់អំពីកម្រៃសេវាការគ្រប់គ្រងសំរាម
សំណល់រឹងទីប្រជុំជននៅក្នុងឃុំ ថ្មស
– កំណត់វិធានការចាំបាច់ដើម្បីបង្កើនប្រសិទ្ធភាព
និងសុវត្ថិភាពការគ្រប់គ្រងសំរាម សំណល់រឹង
ទីប្រជុំជន
– ពង្រឹងការអនុវត្តតួនាទី ភារកិច្ច និង
ការទទួលខុសត្រូវរបស់រដ្ឋបាលឃុំ ក្រុមហ៊ុន ឬ
អ្នកម៉ៅការ និងប្រជាពលរដ្ឋ ព្រមទាំងអ្នក
ពាក់ព័ន្ធនានាលើការគ្រប់គ្រងសំរាម
សំណល់រឹងទីប្រជុំជន
– លើកកម្ពស់ការយល់ដឹងជាសាធារណៈ និង
ការចូលរួមរបស់ប្រជាពលរដ្ឋក្នុងការរៀបចំ
ការអនុវត្ត វិធានការការគ្រប់គ្រងសំរាម
សំណល់រឹងទីប្រជុំជន
– លើកកម្ពស់សុខុមាលភាពរស់នៅឱ្យកាន់តែ
ប្រសើរឡើង តាមរយៈការសម្អាតអនាម័យន
បរិស្ថាន
– ធ្វើឱ្យភូមិ-ឃុំ ថ្មស មានសណ្ដាប់ធ្នាប់អនាម័យ
ក្លាយជាភូមិឃុំមានសោភ័ណភាពបៃតង
– ធានាការប្រមូលកម្រៃសេវា និងការផ្ដល់សេវា
សម្អាត ប្រមូល ដឹកជញ្ជូនសំរាម សំណល់រឹង
ទីប្រជុំជន ឱ្យកាន់តែមានភាពច្បាស់លាស់ មាន
តម្លាភាព និងគណនេយ្យភាព។
ប្រភព:រដ្ឋបាលស្រុកបូទុមសាគរ
==================
ថ្ងៃពុធ ១៣ រោច ខែអាសាឍ ឆ្នាំម្សាញ់
សប្តស័ក ពុទ្ធសករាជ ២៥៦៩
ត្រូវនឹងថ្ងៃទី ២៣ ខែកក្កដា ឆ្នាំ២០២៥
វេលាម៉ោង០៩ :០០ នាទីព្រឹក
