រដ្ឋបាលខេត្តកោះកុង

រដ្ឋបាលឃុំថ្មស បានរៀបចំកិច្ចប្រជុំផ្សព្វផ្សាយ ស្តីពីការកំណត់កម្រៃសេវា និងការគ្រប់គ្រងសំរាមសំណល់រឹងទីប្រជុំជន របស់រដ្ឋបាលឃុំថ្មស ក្រោមអធិបតីភាពលោក សយ សុផល នាយរងរដ្ឋបាលស្រុកបូទុមសាគរ និងលោក អិក កួន មេឃុំថ្មស ដែលបានដឹកកិច្ចប្រជុំ និងមានការអញ្ជើញចូលរួមពីប៉ុស្តិ៍រដ្ឋបាលឃុំ មេភូមិ អនុសមាជិកគ្រប់ភូមិ តំណាងអ្នកម៉ៅការសំរាមបងប្អូនប្រជាពលរដ្ឋព្រមទាំងអាជីវករក្នុងផ្សារថ្មស។
+ដីកានេះមានគោលដៅដូចតទៅ៖

• កំណត់អំពីកម្រៃសេវាការគ្រប់គ្រងសំរាម សំណល់រឹងទីប្រជុំជននៅក្នុងឃុំថ្មស
• កំណត់វិធានការចាំបាច់ដើម្បីបង្កើនប្រសិទ្ធភាព និងសុវត្ថិភាពការគ្រប់គ្រងសំរាម សំណល់រឹងទីប្រជុំជន
• ពង្រឹងការអនុវត្តតួនាទី ភារកិច្ច និង ការទទួលខុសត្រូវរបស់រដ្ឋបាលឃុំ ក្រុមហ៊ុន ឬអ្នកម៉ៅការ និងប្រជាពលរដ្ឋ ព្រមទាំងអ្នក ពាក់ព័ន្ធនានាលើការគ្រប់គ្រងសំរាមសំណល់រឹងទីប្រជុំជន
• លើកកម្ពស់ការយល់ដឹងជាសាធារណៈ និងការចូលរួមរបស់ប្រជាពលរដ្ឋក្នុងការរៀបចំការអនុវត្ត វិធានការការគ្រប់គ្រងសំរាមសំណល់រឹងទីប្រជុំជន
• លើកកម្ពស់សុខុមាលភាពរស់នៅឱ្យកាន់តែប្រសើរឡើង តាមរយៈការសម្អាតអនាម័យ បរិស្ថាន
• ធ្វើឱ្យភូមិ-ឃុំ ថ្មស មានសណ្ដាប់ធ្នាប់អនាម័យ ក្លាយជាភូមិឃុំមានសោភ័ណភាពបៃតង
• ធានាការប្រមូលកម្រៃសេវា និងការផ្ដល់សេវាសម្អាត ប្រមូល ដឹកជញ្ជូនសំរាម សំណល់រឹងទីប្រជុំជន ឱ្យកាន់តែមានភាពច្បាស់លាស់ មានតម្លាភាព និងគណនេយ្យភាព។
• ប្រភព:រដ្ឋបាលឃុំថ្មស

ថ្ងៃពុធ ១៣ រោច ខែអាសាឍ ឆ្នាំម្សាញ់
សប្តស័ក ពុទ្ធសករាជ ២៥៦៩
ត្រូវនឹងថ្ងៃទី ២៣ ខែកក្កដា ឆ្នាំ២០២៥
វេលាម៉ោង០៩ :០០ នាទីព្រឹក