ឯកឧត្តម នាយឧត្តមសេនីយ៍ យន្ត មីន រដ្ឋលេខាធិការ ក្រសួងការពារជាតិ និងជាប្រធានក្រុមការងារសម្របសម្រួល ជាមួយអនុក្រុមការងារក្រុង ស្រុកទាំង៧ អញ្ញើញជាអធិបតីភាព ដឹកនាំក្រុមការងារសម្របសម្រួល ជាមួយអនុក្រុមការងារក្រុង ស្រុកទាំង៧ ដើម្បីពិនិត្យលើរបាយការណ៍ប្រចាំសប្តាហ៍ នៃការងារស្រង់ទិន្នន័យក្បាលដី របស់អនុក្រុមការងារក្រុង ស្រុកទាំង៧។

ឯកឧត្តម នាយឧត្តមសេនីយ៍ បានថ្លែងអំណរគុណចំពោះក្រុមការងារទាំងអស់ ដែលបានស្រង់ទិន្នន័យក្បាលដីកន្លងមក រហូតបានទទួលបានលទ្ធផលដូចថ្ងៃនេះ ដើម្បីការស្រង់ទិន្នន័យបានត្រឹមត្រូវ និងស្របតាមគោលការណ៍ណែនាំ សូមក្រុមការងារចូលរួមអនុវត្ត និងសម្របសម្រួល ជាមួយក្រុមការងារ និងអ្នកពាក់ព័ន្ធ ព្រមទាំងលើកយកបញ្ហាប្រឈម និងស្វែងរកដំណោះស្រាយដែលសមស្របមកអនុវត្តក្នុងក្រុម និងមូលដ្ឋានរបស់ខ្លួន៕