អនុក្រុមការងារទី២ ស្រុកថ្មបាំងដឹកនាំដោយ ឯកឧត្តម ទឹម ស៊ីផា អគ្គនាយករងអគ្គនាយកដ្ឋានរដ្ឋបាលការពារ និងអភិរក្សធម្មជាតិ និងជាប្រធានអនុក្រុមការងារបានចុះពិនិត្យ ទីតាំងដីដែលប្រជាពលរដ្ឋអាស្រ័យផល ដើម្បីចុះប្រមូលទិន្នន័យ និងចងក្រងឯកសារសម្រាប់កាត់ឆ្វៀលដីអាស្រ័យផលជាក់ស្តែងជូនប្រជាពលរដ្ឋនៅភូមិសាស្រ្តស្រុកថ្មបាំងនៅពេលខាងមុខ
ថ្មបាំង៖នៅថ្ងៃទី២៤ ខែកក្កដា ឆ្នាំ២០២០ ឯកឧត្តម ទឹម ស៊ីផា អគ្គ.រងអគ្គនាយកដ្ឋានរដ្ឋបាលការពារ និងអភិរក្សធម្មជាតិ និងជាប្រធានអនុក្រុមការងារទី២ស្រុកថ្មបាំងបានដឹកនាំប្រជុំក្រុមការងារដើម្បីបូកសរុបស្តីពីការចុះពិនិត្យ សិក្សា និងចងក្រងឯកសារទីតាំងដីដែលប្រជាពលរដ្ឋបានប្រើប្រាស់ និងអាស្រ័យផលជាក់ស្តែងក្នុងតំបន់ការពារធម្មជាតិ ភូមិសាស្រ្តស្រុកថ្មបាំង នៅសាលាស្រុកថ្មបាំងបន្ទាប់បានចុះពិនិត្យទីតាំងដីជាក់ស្តែងរបស់ប្រជាពលរដ្ឋនៅភូមិត្រពាំងឈើត្រាវ (ចំណុចកោះខ្យាង) ឃុំឬស្សីជ្រុំ និងចំណុចពួច ភូមិស្ពានក្តារ ឃុំតាទៃលើ ស្រុកថ្មបាំង ខេត្តកោះកុង។
