រដ្ឋបាលខេត្តកោះកុង

លោក ប៉ែន ប៊ុនឈួយ អភិបាលរងស្រុក និងជាអនុប្រធានគណៈបញ្ជាការឯកភាពរដ្ឋបាលស្រុក បានដឹកនាំក្រុមការងារគណៈបញ្ជាការឯកភាពរដ្ឋបាលស្រុក សហការជាមួយកម្លាំងច្រកទ្វារ អន្តរជាតិចាំយាម មេភូមិចាំយាម និងប្រជាការពារភូមិ បានចុះពិនិត្យ និងរៀបចំសណ្ដាប់ធ្នាប់ តូបលក់ដូរ និងចំណតម៉ូតូ ឡាន នៅច្រកទ្វារអន្តរជាតិចាំយាម ស្ថិតនៅភូមិចាំយាម ឃុំប៉ាក់ខ្លង ។
ជាលទ្ធផលលោកអភិបាលរងស្រុក បានណែនាំដល់ម្ចាស់តូបលក់ដូររៀបចំកន្លែងលក់ដូរឲ្យមានរបៀបរៀបរយ សណ្ដាប់ធ្នាប់តាមការណែនាំរបស់អាជ្ញាធរ និងម្ចាស់ឡានតាក់ស៊ីត្រូវរៀបចំចតឡានឲ្យបានត្រឹមត្រូវនៅចំណតតែបានកំណត់បើមិនដូច្នោះ ទេនិងត្រូវឈប់ឱ្យចតឡាននៅច្រកទ្វារអន្តរជាតិចាំយាមបន្តទៀត ហើយតម្រូវឲ្យឡានតាក់ស៊ីទាំងអស់មកធ្វើចំណតនៅផ្សារភូមិថ្មីវិញ និងបានដកហូតរទេះចំនួន ៤ ដែលទុកដាក់គ្មានរបៀបរៀប រយមកប្រគល់ឲ្យកម្លាំងអធិការដ្ឋាននគរបាលស្រុករក្សាទុករងចាំម្ចាស់មកធ្វើការណែនាំ។
ថ្ងៃចន្ទ ១១រោច ខែផល្គុន ឆ្នាំរោង ឆស័ក ព.ស.២៥៦៨
ត្រូវនឹងថ្ងៃទី២៤ ខែមីនា ឆ្នាំ២០២៥
វេលាម៉ោង៩:០០នាទីព្រឹក