រដ្ឋបាលខេត្តកោះកុង

រដ្ឋបាលឃុំជ្រោយប្រស់,ព្រឹកថ្ងៃចន្ទ ១៤រោច ខែបុស្ស ឆ្នាំរោង ឆស័ក ពុទ្ធស័ករាជ ២៥៦៨ ត្រូវនឹងថ្ងៃទី២៧ ខែមករា ឆ្នាំ២០២៥ លោក ពុំ ធឿន មេឃុំជ្រោយប្រស់ បានដឹកនាំស្មៀនឃុំ មេភូមិជ្រោយប្រស់ និងនាយរងប៉ុស្តិ៍នគរបាលរដ្ឋបាលឃុំ ចុះពិនិត្យពីស្ថានភាពទឹកស្អាតសំរាប់ប្រើប្រាស់របស់ប្រជាពលរដ្ឋនៅចំណុច អាវឡាតាន់ បានប្រជុំពិភាក្សា រកដំណោះស្រាយពីបញ្ហាខ្វះទឹក និងត្រៀមបង្កា និងបានដឹកទុយោ 63mm ប្រវែង 100m ជូនដល់ប្រជាពលរដ្ឋបន្ថែមសម្រាប់តទឹក ។ បន្ទាប់ពីបញ្ចប់ការងារទឹកស្អាតនៅចំណុចអាវឡាតាន់ លោកមេឃុំជ្រោយប្រស់ ក៏បានដឹកនាំក្រុមការងារបន្ត ចុះពិនិត្យសណ្តាប់ធ្នាប់ តាមតំបន់ឆ្នេរ នៃភ្នំកោះកុងក្រៅ និងបានណែនាំអ្នកគ្រប់គ្រង់តាមឆ្នេរនីមួយៗ អំពីការសំអាតអនាម័យបរិស្ថាននៅតាមមាត់ឆ្នេរ និងត្រូវរក្សាតម្លៃ ចំពោះភ្ញៀវទេសចរណ៍ ដែលមកកំសាន្តនៅតាមឆ្នេររបស់យើង អោយនៅដដែលមិនថាថ្ងៃបុណ្យទាន ឬថ្ងៃធម្មតានោះឡើយ ។