រដ្ឋបាលខេត្តកោះកុង

លោក តុង យ៉ាវ អភិបាលរងនៃគណ:អភិបាលស្រុកបូទុមសាគរ និងជាអនុប្រធានគណ:កម្មាធិការលទ្ធកម្មស្រុក តំណាងលោក ក្រូច បូរីសីហា អភិបាលស្រុក និងជាប្រធានគណ:កម្មាធិការលទ្ធកម្មស្រុក បានអញ្ជើញជាអធិបតីភាព ក្នុងពិធីបើកការដេញថ្លៃ ស្តីពីការងារជួសជុលផ្លូវបេតុងអាមេចំនួន២ខ្សែប្រវែងសរុប ៨៣៧.ម ទទឹង៥ម កម្រាស់០.១៥ម ដាក់លូមូលរំដោះទឹក១កន្លែង ប្រវែង ១៨ម អង្កត់ផ្ចិត០.៦០ម និងដាក់ស្លាកសញ្ញាគម្រោងផ្លូវ១កន្លែង ដោយប្រើប្រាស់មូលនិធិអភិវឌ្ឍរបស់ស្រុកឆ្នាំ២០២៤ ស្ថិតនៅភូមិអណ្តូងទឹក ឃុំអណ្តូងទឹក ស្រុកបូទុមសាគរ ខេត្តកោះកុង។ក្នុងពិធីដេញថ្លៃជាសាធារណ:នេះសោត ក៏មានការអញ្ជើញចូលរួមពីលោក ស៊ានសិរីបុត្រ ប្រធានការិយាល័យលទ្ធកម្មសាធារណ: តំណាងមន្ទីរសេដ្ឋកិច្ចនិងហិរញ្ញវត្ថុខេត្តកោះកុង លោក លោកស្រីសមាជិក សមាជិកាគណ:កម្មាធិការលទ្ធកម្មស្រុក លោក លោកស្រី ប្រធាន/តំណាងក្រុមហ៊ុន សហគ្រាស ដែលបានចូលរួមដេញថ្លៃផងដែរ។

ប្រភព:រដ្ឋបាលស្រុកបូទុមសាគរ

==================

ថ្ងៃចន្ទ ៣រោចខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៨ ខែវិច្ឆិកា ឆ្នាំ២០២៤វេលាម៉ោង២:៣០នាទីរសៀល