រដ្ឋបាលខេត្តកោះកុង

ថ្ងៃទី១៨ ខែវិច្ឆិកា ឆ្នាំ២០២៤ លោក វ៉េត សុនីម អនុប្រធានមន្ទីរបរិស្ថាន បានដឹកនាំមន្ត្រីនៃមន្ទីរបរិស្ថានខេត្តកោះកុង ចូលរួមជាមួយក្រុមការងារថ្នាក់ក្រសួង ធ្វើយុទ្ធនាការកាត់បន្ថយការប្រើប្រាស់ថង់ប្លាស្ទិក ក្រោមប្រធានបទ «ថ្ងៃនេះ ខ្ញុំមិនប្រើថង់ប្លាស្ទិកទេ» និងយុទ្ធនាការ «កម្ពុជាស្អាត ខ្មែរធ្វើបាន » នៅក្នុងភូមិបឹងកាឆាង ឃុំប៉ាក់ខ្លង ស្រុកមណ្ឌលសីមា ខេត្តកោះកុង ។ ដែលមានការចូលរួមពី មន្ត្រីមកមន្ទីរបរិស្ថាន សហគមន៍តំបន់ការពារធម្មជាតិពាមក្រសោប និងលោកគ្រូ អ្នកគ្រូ និងសិស្សានុសិស្ស ចំនួនប្រមាណ ២០០នាក់ ។ ហើយក្នុងឱកាសនោះ លោកអនុប្រធានមន្ទីរបរិស្ថាននិងមន្ត្រី ក៏បានចូលរួមប្រលែងក្តាម ក្នុងស្រែរបស់សហគមន៍ផងដែរ ។