ក្រុមប្រតិបត្តិសាខា អ្នកស្ម័គ្រចិត្ត សហការជាមួយ អាជ្ញាធរមូលដ្ឋាន បាននាំយកអំណោយមនុស្សធម៌ប្រចាំខែសីហា ផ្តល់ជូនគ្រួសារចាស់ជរា ក្រីក្រ ពិការ ចំនួន ០៧ គ្រួសារ
សាខាកក្រកកោះកុង៖នៅថ្ងៃព្រហស្បត្តិ៍ ៧រោច ខែស្រាពណ៍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២២ ខែសីហា ឆ្នាំ២០១៩
លោក ឈួន យ៉ាដា នាយកសាខា បានចាត់អោយក្រុមប្រតិបត្តិសាខា អ្នកស្ម័គ្រចិត្ត សហការជាមួយ អសជ្ញាធរមូលដ្ឋាន បាន នាំយក អំណោយមនុស្សធម៌ប្រចាំខែសីហា ផ្តល់ជូនគ្រួសារចាស់ជរា ក្រីក្រ ពិការ ចំនួន ០៧គ្រួសារ រស់នៅសង្កាត់ដងទង់ ៣គ្រួសារ សង្កាត់ស្មាច់មានជ័យ១គ្រួសារ ក្រុងខេមរភូមិន្ទ និងឃុំកោះស្តេច ស្រុកគិរីសាគរ ០៣គ្រួសារ ក្នុងខេត្តកោះកុង ។
នាឱកាសនោះ ក្រុមការងារ បានពាំនាំនូវការផ្ដាំផ្ញើសួរសុខទុក្ខពីសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក៏ដូចជាលោកជំទាវ មិថុនា ភូថង ប្រធានគណៈកម្មាធិការសាខា ដែលតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ។
ក្រុមការងារក៏បានបន្តថា សូមកុំអស់សង្ឃឹម ត្រូវបន្តការថែទាំសុខភាពដើម្បីឆាប់បានធូរស្បើយ។ឆ្លើយតបជាមួយនិងការផ្តល់អំណោយមនុស្សធម៌នេះ ពួកគាត់សូមគោរពជូនពរ និងថ្លែងអំណរគុណដ៏ជ្រាលជ្រៅចំពោះ កាកបាទក្រហមកម្ពុជា ជាពិសេស សម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ប្រធានកាកបាទក្រហមកម្ពុជា ឯកឧត្តមប្រធានកិត្តិយសសាខា លោកជំទាវប្រធានគណៈកម្មាធិការសាខា ដែលជានិច្ចកាលតែងតែយកចិត្តទុកដាក់ដល់ការលំបាករបស់ប្រជាពលរដ្ឋគ្រប់ច្រកល្ហកដូចពួកគាត់។
សម្ភារៈដែលបានផ្ដល់ជូនរួមមាន ៖ អង្ករ ២៥គីឡូក្រាម មី ១កេស ទឹកត្រី ទឹកស៊ីអ៊ីវ ០១យួរ ត្រីខកំប៉ុង០១ឡូ ទឹកសុទ្ធoral១កេស
អាវយឺត០២ ព្រមទាំងថវិកាចំនួន ៨០,០០០រៀល ដូចៗគ្នា។
