រដ្ឋបាលខេត្តកោះកុង

នាព្រឹកថ្ងៃអង្គារ ៦កើត ខែអស្សុជ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី៨ ខែតុលា ឆ្នាំ២០២៤ លោក គង់ សំរិទ្ធ ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកោះកុង បានចាត់មន្ត្រីចំនួន ០២រូប សហការជាមួយអាជ្ញាធររដ្ឋបាលសង្កាត់ស្មាច់មានជ័យ ចូលរួមរំលែកទុក្ខ និងប៉ាន់ប្រមាណគ្រួសារ លោក ជ្រុន អេវ ភេទប្រុស អាយុ ៤៨ឆ្នាំ ជាគ្រួសារក្រីក្រ បានទទួលមរណភាព ដែលមានប្រពន្ធមានសតិមិនប្រក្រតី និងមានកូនក្នុងបន្ទុកចំនួន ០៥នាក់ ស្រី ០៣នាក់ បច្ចុប្បន្នរស់នៅភូមិស្មាច់មានជ័យ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ដោយសុំស្នាក់អាស្រ័យលើដីរបស់គេ។ ក្នុងនោះមន្ទីរសង្គមកិច្ចបានឧបត្ថម្ភថវិកាចំនួន ១០០,០០០រៀល ,រដ្ឋបាលសង្កាត់ស្មាច់មានជ័យបានឧបត្ថម្ភគ្រឿងឧបភោគបរិភោគមួយចំនួន និងថវិកាមួយចំនួនផងដែរ។