លោក ជូ សេរីយ៉ា អនុប្រធានមន្ទីរអប់រំ យុវជន និងកីឡាខេត្តកោះកុង អញ្ជើញចូលរួមកិច្ចប្រជុំស្តី៖ ពីការវាយតម្លៃ និងទទួលស្គាល់អង្គភាពផ្តល់សេវាសាធារណៈគំរូ ក្នុងវិស័យអប់រំ និងវិស័យសុខាភិបាល។ ក្រោមអធិបតីភាព លោក ស្រេង ហុង អភិបាលរង នៃគណៈអភិបាលខេត្តកោះកុង រយះពេល ០២ថ្ងៃ។ចាប់ពីថ្ងៃទី ២៧-២៨ ខែកញ្ញា ឆ្នាំ២០២៤ ស្ថិតនៅសាលប្រជុំ "ខ" នៃសាលាខេត្តកោះកុង។ ក្នុងនោះសមាសភាពរួមមាន៖ ថ្នាក់ដឹកនាំនៃរដ្ឋបាលខេត្ត ប្រធាន/អនុប្រធានមន្ទីរពាក់ព័ន្ឋជុំវិញខេត្ត, នាយកវិទ្យាល័យទាំង១២ និងប្រធានមន្ទីរពេទ្យបង្អែកចំនួន២ ស្រុកស្រែអំបិល និងខេត្តកោះកុង។ ក្នុងសកម្មភាពប្រជុំគឺបានដំណើរការទៅដោយរលូន ដោយមានការធ្វើបទបង្ហាញរបស់នាយកគ្រឹះស្ថាន និងប្រធានមន្ទីរពេទ្យបង្អែកស្រុកស្រែអំបិល អំពីវឌ្ឍនភាព និងសមិទ្ធផលដែលសម្រេចបានកន្លងមក។ បន្ទាប់មកមានការវាយតម្លៃពីគណៈកម្មការដើម្បីកែលម្អរាល់ចំណុចខ្វះខាតផ្សេងៗ។ ក្នុងការវាយតម្លៃនោះគណៈកម្មការបានផ្តោតលើការនិយាយ ការស្លៀកពាក់ សម្លេង និងការរៀបស្លាយធ្វើបទបង្ហាញ ជូនអង្គកម្មវិធីទាំងមូល។
អត្ថបទដោយ៖ ឡុច ភារុន
