រដ្ឋបាលខេត្តកោះកុង

លោក​ អ៊ូច​ ទូច​ ប្រធានមន្ទីរ​ និងសហការី២រូបបានចូលរួមសិក្ខាសាលាស្តីពីនីតិវិធី និងវិធានការតាក់តែងសេចក្តីព្រាងច្បាប់ និងលិខិតបទដ្ឋានគតិយុត្តផ្សេងៗសម្រាប់អង្គភាពមន្ត្រីក្រោមឱវាទក្រសួងធម្មការនិងសាសនា

===========

ភ្នំពេញ៖ នៅថ្ងៃទី ១៦ និង ១៧ ខែកញ្ញា ឆ្នាំ ២០២៤ ក្រសួងធម្មការ និងសាសនា បានរៀបចំសិក្ខាសាលាស្តីពីនីតិវិធី និងវិធានការតាក់តែងសេចក្តីព្រាងច្បាប់ និងលិខិតបទដ្ឋានគតិយុត្តផ្សេងៗសម្រាប់អង្គភាពមន្ត្រីក្រោមឱវាទក្រសួង។

សិក្ខាសាលានេះត្រូវបានអញ្ជេីញជាអធិបតីក្នុងពិធីបេីកដោយ ឯកឧត្តមបណ្ឌិត ចាយ បូរិន រដ្ឋមន្ត្រីក្រសួងធម្មការ និងសាសនា ឯកឧត្តមបានលើកឡើងអំពីសារៈសំខាន់នៃការតាក់តែង​ និងការយល់ដឹងលេីលិខិតរដ្ឋបាល​ និងគតិយុត្ត​ ក្នុងកិច្ចការដឹកនាំអង្គភាព​ នាពេលបច្ចុប្បន្ន​ ដែលអាចបង្ករលក្ខណៈងាយស្រួលក្នុងការគ្រប់គ្រងរដ្ឋបាល​។

ឯកឧត្តមបណ្ឌិត​ រដ្ឋមន្ត្រីរំពឹងថាគ្រូឧទ្ទេសនឹងផ្តល់នូវចំណេះដឹងថ្មីៗបន្ថែមទៀតដល់អង្គនៃសិក្ខាកាមតាមរយៈបទឧទ្ទេសនាម​ និងសង្ឃឹមថាសិក្ខាកាមទាំងអស់យកចិត្តទុកដាក់ក្នុងការសិក្ខាឈ្វេងយល់បន្ថែមដេីម្បីបានជាចំណេះដឹងថ្មីៗនិងពង្រឹងសមត្ថភាព។

សិក្ខាសាលានេះនឹងត្រូវបានឧទ្ទេសនាម ដោយ​ឯកឧត្តម ស សាម៉ឺឌី រដ្ឋលេខាធិការ ក្រសួងមុខងារសាធារណៈ ដែលបានផ្តល់នូវការណែនាំដ៏លំអិតអំពីការតាក់តែងសេចក្តីព្រាងច្បាប់ និងបែបបទគតិយុត្ត ដើម្បីធានាឱ្យការចាត់ចែងច្បាប់នានាទទួលបានភាពជាក់លាក់និងស្តង់ដារផ្នែកច្បាប់។

សមាជិកចូលរួមរួមមានព្រះមន្ត្រីសង្ឃ​ ប្រធាននាយកដ្ឋាន ប្រធានមន្ទីរ​ និងមន្ត្រីក្រោមឱវាទក្រសួង៕