រដ្ឋបាលខេត្តកោះកុង

លោក សុខ​ វីន ប្រធានការិយាល័យបឋមសិក្សា តំណាងលោក ង៉ែត ឡឹង ប្រធានមន្ទីរអប់រំ យុវជន និងកីឡាខេត្តកោះកុង បានអញ្ជើញប្រជុំពិភាក្សាការងារជាមួយក្រុមហ៊ុន ខេមមីស (CAMIS) Solution។ ពាក់ព័ន្ឋនឹងការសុំកិច្ចសហការពីមន្ទីរអប់រំ យុវជន និងកីឡាខេត្តកោះកុង លើការគាំទ្រការប្រើប្រាស់ប្រព័ន្ឋឌីជីថល CAMEMIS របស់ក្រុមហ៊ុនខេមីស សីលូសិន ឯ.ក ដល់គ្រឹះស្ថានសិក្សាទាំងរដ្ឋ (ដោយមិនគិតថ្លៃសេវាកម្ម) ឯកជន និងស្ថាប័នពាក់ព័ន្ឋទូទាំងខេត្ត។ ដោយឡែក មាតា បិតា ឫអាណាព្យាបាលសិស្សប្រើប្រាស់សេវាកម្មតាមគោលការណ៍ស្មគ្រ័ចិត្តតាមការណែនាំដ៍ខ្ពស់ខ្ពស់របស់ឯកឧត្តម បណ្ឌិតសភាចារ្យ ហង់ ជួនណារ៉ុន។ គួរបញ្ជាក់ផងដែរថាប្រព័ន្ឋ CAMEMIS គឺជាប្រព័ន្ឋតាមដានការសិក្សារបស់សិស្ស និងការផ្តល់ព័ត៍មានត្រឡប់ទៅកាន់អាណាព្យាបាលសិស្សទាំង ពិន្ទុ អវត្តមាន សកម្មភាពរៀនផ្សេងៗជាច្រើនទៀត តាមរយះការរាយការណ៍ពីគ្រូប្រចាំថ្នាក់ទៅកាន់អាណាព្យាបាលសិស្សបានទាន់ពេលវេលា។ ក្នុងនោះអាណាព្យាបាលសិស្សអាចតាមដានព័ត៏មានសិក្សារបស់កូនៗគាត់បានរហ័ស គ្រប់ពេលវេលា គ្រប់ទីកន្លែង។

ថ្ងៃសុក្រ ១១ កើត ខែភទ្របទ ឆ្នាំរោង ឆស័ក ពុទ្ធសករាជ ២៥៦៨
ត្រូវនឹងថ្ងៃទី១៣ ខែកញ្ញា ឆ្នាំ២០២៤ September 13, 2024
អត្ថបទដោយ៖ ឡុច ភារុន