មន្រ្តីជំនាញនៃមន្ទីរវប្បធម៌ និងវិចិត្រសិល្បៈខេត្ត បានចូលរួមចុះពិនិត្យការស្នេីសូមលេីកស្លាកផ្ទាំងផ្សព្វផ្សាយពាណិជ្ជកម្មមួយកន្លែង
រសៀលថ្ងៃព្រហស្បតិ៍ ១០កេីត ខែភទ្របទ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី១២ ខែកញ្ញា ឆ្នាំ២០២៤ លោកស្រី សម្បូរ ដាលីន អនុប្រធានមន្ទីរវប្បធម៌ និងវិចិត្រសិល្បៈខេត្ត និងមន្រ្តីជំនាញ បានអមដំណេីរ លោក ឈេង សុវណ្ណដា អភិបាលរង នៃគណៈអភិបាលខេត្ត និងមានការចូលរួមពី លោកនាយករងរដ្ឋបាលខេត្ត លោកស្រីអភិបាលរងក្រុង លោកប្រធានអង្គភាពច្រកចេញចូលតែមួយខេត្ត មេភូមិ ចៅសង្កាត់ស្មាច់មានជ័យ មន្ត្រីមន្ទីរជំនាញ និងអ្នកតំណាងក្រុមហ៊ុន និងអាជ្ញាធ័រពាក់ព័ន្ធ បានចុះត្រួតពិនិត្យទីតាំងស្នើរសុំដំឡើងផ្ទាំងផ្សព្វផ្សាយពាណិជ្ជកម្មចំនួន០១កន្លែង របស់ក្រុមហ៊ុន ប៉ូម៉ា មេឌា ឯ.ក មានទីតាំងស្ថិតនៅភូមិ០១ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។
