រដ្ឋបាលខេត្តកោះកុង

ថ្ងៃចន្ទ ១៥ កើត ខែស្រាពណ៍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៩ ខែសីហា ឆ្នាំ២០២៤ ដោយទទួលបានការអនុញ្ញាតពីលោក អៀត វណ្ណា ប្រធានមន្ទីរផែនការខេត្ត លោក ហួ ងី អនុប្រធានមន្ទីរ និងលោក បៀង វិណាន់ អនុប្រធានការិយាល័យស្ថិតិ បានចូលរួមសិក្ខាសាលាពិគ្រោះយោបល់ស្តីពីការរៀបចំសន្ទស្សន៍ថ្លៃទំនិញប្រើប្រាស់ជាតិ ដែលរៀបចំដោយនាយកដ្ឋានគណនេយ្យជាតិ វិទ្យាស្ថានជាតិស្ថិតិ ក្រសួងផែនការ គាំទ្រដោយ World Bank និងមានសិក្ខាកាមចូលរួមសរុប ៤១នាក់ ស្រី ០៨នាក់ នៅថ្ងៃទី១៩-២០ ខែសីហា ឆ្នាំ២០២៤ នៅសណ្ឋាគារសុវណ្ណភូមិ ខេត្តកំពង់ឆ្នាំង

សិក្ខាសាលានេះផ្តោតសំខាន់លើ

១. ពិនិត្យ កែសម្រួល លើមុខទំនិញប្រើប្រាស់លើទីផ្សារចំនួន ២៥៩មុខទំនិញ ដើម្បីធ្វើបច្ចុប្បន្នកម្មនៃមុខទំនិញថ្មី ស្របតាមទីផ្សារបច្ចុប្បន្ន

២. ពិនិត្យ កែសម្រួល និងវិភាគតម្លៃទំនិញប្រើប្រាស់លើទីផ្សារដែលបានប្រមូលកន្លងមកឆ្នាំ២០១៩ -២០២៤ ដើម្បីថ្លឹងថ្លែងពីបម្រែបម្រួលតម្លៃកើនខ្ពស់ និងថយចុះខ្លាំង

៣. រៀបចំបង្កើតនូវសេចក្តីណែនាំថ្មី សម្រាប់ការចុះប្រមូលតម្លៃទំនិញលើទីផ្សារ ដែលមានលក្ខណះស្តង់ដាររួម នាពេលអនាគតដ៏ខ្លីខាងមុខ។