រដ្ឋបាលខេត្តកោះកុង

ថ្ងៃទី​៣ ខែមេសា​ ឆ្នាំ២០២៤
ដើម្បីឆ្លុះបញ្ចាំងអំពីលទ្ធផលក្នុងរបាយការណ៍ ដែលបានផ្ញើមកក្រសួងទេសចរណ៍ធៀបនឹងលទ្ធផលជាក់ស្តែង ក្រុមការងារក្រសួងទេសចរណ៍ ថ្នាក់ដឹកនាំមន្ទីរពាក់ព័ន្ធ តំណាងឲ្យសមាជិកនៃគណៈកម្មាធិការអភិវឌ្ឍន៍ទេសចរណ៍ខេត្ត ដែលបានចូលរួមចុះពិនិត្យដល់ទីតាំងជាក់ស្តែងចំនួន០៥ រួមមាន ៖
១. ចុះពិនិត្យការគ្រប់គ្រង និងការរៀបចំសណ្តាប់ធ្នាប់តាមបណ្តាកោះ និងឆ្នេរ (ឆ្នេរប៉ាក់ខ្លង)
២. ចុះពិនិត្យការជំរុញរៀបចំបង្កើតផ្សាររាត្រីនៅក្នុងក្រុងខេមរភូមិន្ទ
៣. ចុះពិនិត្យមណ្ឌលព័ត៌មានទេសចរណ៍ នៅសហគមន៍តំបន់ការពារធម្មជាតិពាមក្រសោប
៤. ចុះពិនិត្យបង្គន់អនាម័យសាធារណៈ នៅសហគមន៍តំបន់ការពារធម្មជាតិពាមក្រសោប
៥. ចុះពិនិត្យឡដុតសំរាមខ្នាតតូចនៅសហគមន៍តំបន់ការពារធម្មជាតិពាមក្រសោប
ក្រោមអធិបតីភាព ឯកឧត្តម​ វ៉េត យុវនាថ អគ្គនាយករង​ នៃអគ្គនាយកដ្ឋានអភិវឌ្ឍន៍ទេសចរណ៍ និងសហប្រតិបត្តិការអន្តរជាតិ នៃក្រសួងទេសចរណ៍។