លោក សុខ សុទ្ធី អភិបាលរង នៃគណៈអភិបាលខេត្តកោះកុង បានអញ្ជើញស្វាគមន៍ ឯកឧត្តម ម៉ា ស៊ុនហួត អនុរដ្ឋលេខាធិការ ក្រសួងសាធារណការ និងដឹកជញ្ជូន ក្នុងកិច្ចប្រជុំពិភាក្សាលើការអនុវត្តការងារដោះស្រាយផលប៉ះពាល់ដោយសារគម្រោងសាងសង់ផ្លូវជាតិលេខ១៥៥១(ផ្លូវជាតិលេខ១០) ក្រោមហិរញ្ញប្បទានសហប្រតិបត្តិការ ពីសាធារណរដ្ឋប្រជាមានិតចិន ស្ថិតក្នុងភូមិសាស្ត្រខេត្តកោះកុង។

លោកអភិបាលរងខេត្ត សូមអោយអភិបាលក្រុង ស្រុក និងប្រធានមន្ទីរពាក់ព័ន្ធ ព្រមទាំងកងកម្លាំងមានសមត្ថកិច្ច សហការ ជាមួយគណៈកម្មការអន្តរក្រសួងដោះស្រាយផលប៉ះពាល់ ផ្លូវជាតិលេខ១៥៥១(ផ្លូវជាតិលេខ១០) ក្រោមហិរញ្ញប្បទានសហប្រតិបត្តិការ ពីសាធារណរដ្ឋប្រជាមានិតចិន ព្រមទាំងការអង្កេតវាស់វែងលម្អិត នៃគម្រោង ក្នុងភូមិសាស្ត្រខេត្តកោះកុង ធ្វើយ៉ាងណាអោយគម្រោងអនុវត្តទៅដោយរលូន និងស្របតាមផែនការដែលបានគ្រោងទុក។