ក្រោមការដឹកនាំលោក ប្រាក់ វិចិត្រ ប្រធានគណៈកម្មាធិការអនុសាខាកាកបាទក្រហមកម្ពុជា ស្រុកមណ្ឌលសីមា សហការជាមួយកក្រុមការងារសាខាកាកបាទក្រហមកម្ពុជាខេត្តកោះកុង អ្នកស្ម័គ្រចិត្តកក្រក ក្រុមប្រឹក្សាឃុំពាមក្រសោប មេភូមិ និងយុវជន ស.ស.យ.ក .ស្រុក ចុះផ្សព្វផ្សាយអំពីវិធានការទប់ស្កាត់ បង្ការការចម្លងជំងឺកូវីដ១៩ ដោយបិទPosterចំនួន២៥ផ្ទាំង(ឧបត្ថម្ភដោយUnicef តាមរយៈកាកបាទក្រហមកម្ពុជា) ប៉ាន់ណូផ្សព្វផ្សាយរបស់សហភាព សហព័ន្ធ យុវជនកម្ពុជា ចំនួន០២ផ្ទាំង និងខិតប័ណ្ណ ចំនួន២០០សន្លឹក ម៉ាស់ចំនួន១៥០ម៉ាស់ សាប៊ូដុំ ២០ ដុំ និង អាវយឺត៣០ នៅផ្សារ សហគមន៍ពាមក្រសោប និងតាមខ្នងផ្ទះ ស្ថិតនៅ ឃុំពាមក្រសោប ស្រុកមណ្ឌលសីមា ខេត្តកោះកុង ដែលមានអ្នកចូលរួមសរុប១៨នាក់ ស្រី០៧នាក់។
នាឱកាសនេះលោកប្រធានគណៈកម្មាធិការអនុសាខា និងក្រុមការងារ សូមអំពាវនាវដល់បងប្អូនប្រជាពលរដ្ឋទាំងអស់ សូមអនុវត្តវិធីកាត់បន្ថយហានិភ័យពីការឆ្លងជំងឺកូវីដ១៩ (Covid-19) ដូចខាងក្រោម៖
១. លាងដៃឲ្យបានញឹកញាប់ជាមួយសាប៊ូ និងទឹកស្អាត ឬទឹកអាល់កុលលាងដៃ ឬអាល់កុលហ្សែល
២. ខ្ទប់មាត់ និងច្រមុះ នៅពេលក្អក ឬកណ្តាស់ ដោយប្រេីកែងដៃ ឬក្រដាសអនាម័យ រួចបោះចោលក្នុងធុងសំរាមឲ្យបានត្រឹមត្រូវ
៣. ជៀសវាងប៉ះពាល់ជិតស្និទ្ធជាមួយអ្នកដែលមានគ្រុនក្ដៅ ក្អក ឬផ្ដាសាយ
៤. ជៀសវាងប៉ះពាល់ភ្នែក ច្រមុះ ឬមាត់
៥. បរិភោគអាហារដែលចម្អិនបានឆ្អិនល្អ
៦. ស្វាគមន៍ដោយសំពះ ជំនួសការចាប់ដៃ
សម្រាប់ព័ត៌មានបន្ថែម ឬមានករណីសង្ស័យ សូមទំនាក់ទំនងតាមលេខទូរស័ព្ទ ១១៥ ដោយឥតគិតថ្លៃ ។
ក្រុមការងារបានចុះផ្សព្វផ្សាយនិងងចាក់សារអប់រំតាមឃោសនាសព្ទមានៈកាត់បន្ថយហានិភ័យពីការឆ្លង ជំងឺកូវីឌ១៩ លើទីតាំងសំខាន់ចំនួន ២ រួមមាន៖ ផ្សារសហគមន៍ពាមក្រសោប និងភូមិ១ ភូមិ២ ឃុំពាមក្រសោប តាមតូបចំនួន១៥តូប តាមខ្នងផ្ទះបានចំនួន ១៥០ខ្នងផ្ទះមាន ប្រជាជនចូលរួមសរុប ៥០០នាក់ ស្រ្តី ៣២០នាក់។
