ស្រុកកោះកុង ៖ រសៀលថ្ងៃពុធ ១២ កើត ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២១ ខែកុម្ភៈ ឆ្នាំ២០២៤ លោកស្រី សឿ សាវី និងលោក អ៊ឹង ទូច សមាជិកក្រុមប្រឹក្សាស្រុកកោះកុង និងជាគណៈកម្មាធិការអនុសាខាកាកបាទក្រហមកម្ពុជាស្រុកកោះកុង បានដឹកនាំគណៈកិត្តិយស និងគណៈកម្មាធិការអនុសាខាកាកបាទក្រហមកម្ពុជាស្រុកកោះកុង អញ្ជើញចុះជួបសំណេះសំណាល សួរសុខទុក្ខ និងនាំយកថវិកា អនុសាខាកាកបាទក្រហមស្រុកកោះកុង ប្រគល់ជូនប្រជាពលរដ្ឋចំនួន ០១គ្រួសារ ឈ្មោះ សុខ សុភាព រស់នៅភូមិត្រពាំងរូង ឃុំត្រពាំងរូង ស្រុកកោះកុង ដែលកំពុងតែជួបការលំបាក មានជីវភាពខ្វះខាត និងមានជំងឺប្រចាំកាយ ត្រូវចំណាយខ្ពស់លើការថែទាំសុខភាព ។
ថវិកាឧបត្ថម្ភរបស់ អនុសាខាកាកបាទក្រហមស្រុកកោះកុង ចំនួន ២០០ ០០០រៀល និងក្រុមការកាកបាទក្រហមឃុំត្រពាំងរូង ៦០ ០០០រៀល។
