រដ្ឋបាលខេត្តកោះកុង

លោក សុខ សុទ្ធី អភិបាលរង នៃគណៈអភិបាលខេត្តកោះកុង និងប្រធានអង្គប្រជុំបានដឹកនាំកិច្ចប្រជុំ និងចុះពិនិត្យទីតាំងផ្ទាល់ ដែលមានសមាសភាពចូលរួមមាន លោក សៀង សុទ្ធមង្គល អភិបាលរងស្រុកស្រែអំបិល លោក ទុំ នី អភិបាលរងស្រុកថ្មបាំង លោក សំ ផល្លី អនុប្រធានការិយាល័យគ្រប់គ្រងការអភិវឌ្ឍ និងសំណង់ សាលាខេត្ត លោក តេង នីវ នាយករងរដ្ឋបាលស្រុកស្រែអំបិល លោក កុក សំអ៊ាន អនុប្រធានការិយាល័យភូមិបាលស្រុកស្រែអំបិល លោក ស៊ុន ឃៀម មេឃុំជីខលើ លោក ម៉ឹង សុភា មេឃុំជីផាត លោក វ៉ាន់ សុខ ប្រធានការិយាល័យភូមិបាលស្រុកថ្មបាំង លោក សោម សឿន មន្រ្តីឧទ្យានុរក្ស លោក ស៊ី សុភាព ប្រធានការិយាល័យ មន្រ្តីជំនាញ និងលោកមេភូមិពាក់ព័ន្ធ ចូលរួម ។
តាមរយៈកិច្ចប្រជុំពិភាក្សាអង្គប្រជុំ និងចុះពិនិត្យទីតាំងផ្ទាល់ ជាលទ្ធផល នៃកិច្ចប្រជុំដូចខាងក្រោម៖
១-ទីតាំងដីមានប័ណ្ណបប០១ ហើយបានកាត់ឆ្វៀល ជូនប្រជាពលរដ្ឋរួចរាល់ហើយ ។
២-ដីដែលប្រជាពលរដ្ឋបោះបង្គោលព្រំដីជាប្រជាពលរដ្ឋរស់នៅក្នុងឃុំជីផាត និងបានអាស្រ័យផលជាក់ស្តែងជាច្រើនឆ្នាំមកហើយ តែទីតាំងដីនេះផ្ទាល់គឺស្ថិតក្រោមដែនគ្រប់គ្រងរបស់រដ្ឋបាលស្រុកស្រែអំបិល។  
បន្ទាប់ពីប្រជុំ និងចុះពិនិត្យទីទាំងរួចមកក្រុមការងារចម្រុះរបស់រដ្ឋបាលខេត្ត ដែលដឹកនាំដោយលោក សុខ សុទ្ធី អភិបាលរងខេត្ត សូមបដិសេធ និងច្រានចោលលើការចុះផ្សាយកាលពីថ្ងៃទី២៩ ខែមករា ឆ្នាំ២០២៤ របស់គេហទំព័រសង្គម និងព័ត៌មានពិត(KCSM TV NEWS)ដែលគ្មានមូលដ្ឋានច្បាស់លាស់ យកមកចុះផ្សាយដែលថាមានមនុស្សមួយក្រុមយកបង្គោលថ្មទៅបោះហ៊ុំព័ទ្ធដីរាប់រយហិកតា នៅចំណុចខាងត្បូងស្ទឹងឆាយរមាស រហូតព្រែកកន្ធាយ ស្ថិតនៅភូមិឈូក ឃុំជីខលើ ស្រុកស្រែអំបិល ខេត្តកោះកុង៕
ថ្ងៃសុក្រ ៨ រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២ ខែកុម្ភៈ ឆ្នាំ២០២៤ ថ្ងៃនេះ ជាថ្ងៃសីល February 2, 2024