មន្ទីរកសិកម្ម រុក្ខាប្រមាញ់ និងនេសាទខេត្តកោះកុង ៖ សិក្ខាសាលាសង្ខេបប្រចាំឆ្នាំ សម្រាប់តួអង្គទីផ្សារនៅក្នុងខ្សែច្រវាក់ផលិតកម្មដំណាំបន្លែ ចេក និងស្វាយចន្ទី សហការ និងសម្របសម្រួលដោយអង្គការ Save The Children ប្រចាំខេត្តកោះកុង
មន្តី្រជំនាញក្រោមឱវាទមន្ទីរកសិកម្ម រុក្ខាប្រមាញ់ និងនេសាទខេត្តកោះកុង ចំនួន ០៥រូប បានចូលរួមសិក្ខាសាលាសង្ខេបប្រចាំឆ្នាំ សម្រាប់តួអង្គទីផ្សារនៅក្នុងខ្សែច្រវាក់ផលិតកម្មដំណាំបន្លែ ចេក និងស្វាយចន្ទី។ សិក្ខាសាលានេះរួមសហការ និងសម្របសម្រួលដោយអង្គការ Save The Children ប្រចាំខេត្តកោះកុង និងមានការចូលរួមផងដែរពីសំណាក់លោក តុង យ៉ាវ អភិបាលរង នៃគណៈភិបាលស្រុកបូទុមសាគរ លោក សុខ សំណាង ប្រធានគម្រោងស្ទៀរប្រចាំខេត្តកោះកុង នឹងតួអង្គអ្នកលក់ធាតុចូល អ្នកប្រមូលទិញ អ្នកផលិតកសិករគម្រោងស្ទៀរ រួមនឹងដៃគូរពាក់ព័ន្ធផ្សេងៗមានក្រុមហ៊ុនឯកជន លក់ជី ថ្នាំកសិកម្ម សរុបប្រមាណ ៩០នាក់ ស្រី ២៥នាក់។
សិក្ខាសាលានេះមានគោលបំណង៖
– នាំយកតួអង្គទីផ្សារឲ្យស្គាល់គ្នា និងកសាងទំនាក់ទំនងនៅក្នុងប្រព័ន្ធទីផ្សារ
– ផ្តល់ឪកាសដល់តួអង្គទីផ្សារ រួមមានអ្នកផ្គត់ផ្គង់ និងអ្នកប្រមូលទិញ បានពិភាក្សាគ្នា កំណត់បញ្ហាប្រឈម និងដំណោះស្រាយរួម ដើម្បីបំពេញឲ្យគ្នាទៅវិញទៅមក
– កំណត់បាននូវតំរូវការ និងផ្គត់ផ្គង់នៅក្នុងទីផ្សារក្នុងខេត្ត និងទីផ្សារតាមស្រុកគោលដៅ។
ថ្ងៃព្រហស្បតិ៍ ៩កើត ខែមិគសិរ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២១ ខែធ្នូ ឆ្នាំ២០២៣
ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង
